ટ્રેન નીચે કપાઈને પિતાના બે ટુકડા થયા હોય, ધડ તરફડિયાં મારતું હોય અને લાચાર પુત્ર પિતાના પગ પકડીને હૈયાફાટ રુદન કરતો હોય. એ વિચાર માત્ર જ કાળજું કંપાવી દે છે આવી જ કરુણ ઘટના, જેને જોઈને હૃદય ધ્રૂજી ઊઠે, એ ઘટના પાટણના સુજનીપુર નજીક ઘટી છે. રેલવે-ફાટક પાસે 45 વર્ષીય આધેડે કોઈ કારણસર માલગાડી નીચે પડતું મૂકતાં તેમના શરીરના બે ટુકડા થઈ ગયા.
પિતાએ ટ્રેન નીચે પડતું મૂક્યાની જાણ થતાં દીકરો અને દીકરી ઘટનાસ્થળે પહોંચ્યાં હતાં. ટ્રેન નીચે કપાયેલા પિતાનું ધડ તરફડિયાં મારી રહ્યું હતું. પિતાની હાલત જોઈ દીકરો તેમના પગ પકડીને હૈયાફાટ આક્રંદ કરી રહ્યો હતો. પિતાના દેહ પાસે દીકરા-દીકરીના આક્રંદથી સૌકોઈ કંપી ઊઠ્યા.
આ ઘટનાના પગલે માલગાડી ઊભી રહેતાં આસપાસના લોકો દોડી આવ્યા હતા અને તાત્કાલિક આ બાબતે જાણ કરતાં પોલીસની ટીમ ઘટનાસ્થળે પહોંચી હતી. પોલીસ તપાસમાં આધેડની ઓળખાણ થતાં તેના પરિવારનો સંપર્ક કરતાં તેઓ ઘટનાસ્થળે પહોંચ્યા હતા.
પાટણ સુજનીપુર નજીક રેલવે-ફાટક પર 45 વર્ષીય આધેડે આત્મહત્યા કરી લીધી છે. સુજનીપુર નજીકથી પસાર થઇ રહેલી માલગાડી નીચે આધેડે પડતું મૂકતાં શરીરના બે ટુકડા થઇ ગયા હતા. આ કાળજું કંપાવનારી ઘટનામાં આધેડના શરીરના બે ટુકડા થઇ ગયા હોવા છતાંય અમુક સેકન્ડ તેઓ જીવંત રહ્યા હતા. તેઓ હાથથી ટ્રેનને પકડીને શ્વાસ લઇ રહ્યા હતા. તરફડતા આધેડને જોઇ પરિવારના સભ્યનું હૈયાફાટ આક્રંદથી ગમગીની છવાઇ ગઇ હતી. પોલીસે મૃતદેહને પીએમ અર્થે ખસેડી આગળની કાર્યવાહી હાથ ધરી હતી.