બ્લૂમબર્ગક્વિન્ટ ડોટ કૉમના એક અહેવાલ પ્રમાણે ઉત્તર-પૂર્વ અને મધ્ય ભારતમાં આ વખત 122 વર્ષનો સૌથી ગરમ એપ્રિલ માસ અનુભવાયો છે. આ માસ દરમિયાન આ ક્ષેત્રોમાં સરેરાશ મહત્તમ તાપમાન અનુક્રમે 35.9 અને 37.78 ડિગ્રી સેલ્સિયસ રહ્યું હતું.
ભારતીય હવામાન વિભાગ દ્વારા કરાયેલ એક પત્રકારપરિષદમાં જણાવાયું હતું કે આ ક્ષેત્રમાં આવતાં રાજ્યો, ગુજરાત, રાજસ્થાન, પંજાબ અને હરિયાણામાં મે માસમાં પણ સામાન્ય કરતાં વધુ તાપમાન જોવા મળશે.
એપ્રિલ માસમાં સમગ્ર ભારતમાં જોવા મળેલ સરેરાશ તાપમાન 35.05 ડિગ્રી સેલ્સિયસ હતું. જે 122 વર્ષમાં સૌથી વધુ તાપમાનવાળા મહિનાઓમાં ચોથા ક્રમે હતો.
આ સિવાય IMDના અધિકારીએ કહ્યું હતું કે, "મે માસમાં સમગ્ર દેશમાં વરસાદ સરેરાશ કરતાં વધુ રહેવાની શક્યતા છે."