Webdunia - Bharat's app for daily news and videos

Install App

ઘરેથી ભાગેલી કિશોરીને મિત્રએ દેહવેપાર કરાવતી મહિલાને સોંપી દીધી

Webdunia
ગુરુવાર, 1 ઑગસ્ટ 2019 (12:27 IST)
શહેરના કાપોદ્રા વિસ્તારમાં માતા-પિતાના ઝઘડાથી કંટાળેલી એક કિશોરી ઘરેથી ભાગી ગઈ હતી. ઘરેથી ભાગેલી યુવતી તેના એક મિત્ર પાસે પહોંચી હતી. મિત્રએ મદદ કરવાના બદલે તેને દેહવેપાર કરાવતી એક મહિલાને સોંપી દીધી હતી. જે બાદમાં મહિલાએ કિશોરીને દેહ વેપારના ધંધામાં ધકેલી દીધી હતી. જોકે, એક કિન્નરે કિશોરીને બચાવી લીધી હતી અને પોલીસને જાણ કરી હતી. મળતી માહિતી પ્રમાણે કાપોદ્રામાં રહેતી અને ધોરણ 11માં અભ્યાસ કરતી કિશોરી ગત 15મી તારીખે ઘરેથી ગુમ થઈ ગઈ હતી. કિશોરી ઘરે ન આવતા પરિવારે પોલીસને જાણ કરી હતી. કાપોદ્રા પોલીસ સ્ટેશન આ મામલે તપાસ કરી રહી હતી ત્યારે એક કિન્નર કિશોરીને પોલીસ સ્ટેશન લઈને આવ્યો હતો. 
કિશોરીની શારીરિક હાલત સારી ન હોવાથી પોલીસે શરૂઆતમાં તેને સારવાર માટે હોસ્પિટલમાં ખસેડી હતી. સારવાર બાદ કિશોરીએ નિવેદન આપ્યું હતું કે, તેણી માતા-પિતાના ઝઘડાથી કંટાળીને ઘરેથી ચાલી ગઈ હતી. આ દરમિયાન તેણી પોતાના મિત્રો સાથે જ રહી હતી. જોકે, તેના એક મિત્રએ તેને મજૂરાગેટ પાસે દેહવેપાર કરાવતી સવિતા નામની એક મહિલાની સોંપી દીધી હતી.ઘરેથી ભાગેલી કિશોરી મિત્ર મારફતે સવિતા પાસે પહોંચી હતી. જે બાદમાં સવિતાએ કિશોરીને નવાં નવાં કપડાં અને મોબાઇલ ફોન લઈ આપવાની લાલચ આપી હતી. બીજા દિવસે સવિતા કિશોરીને તૈયાર કરીને મજૂરાગેટ પાસે લાવી હતી. અહીં ગ્રાહક પાસેથી પૈસા વસૂલ કરીને સવિતાએ કિશોરીને તેની સાથે મોકલી દીધી હતી. 
સતત ત્રણ દિવસ સુધી ગ્રાહકો સાથે મોકલ્યા બાદ કિશોરીની હાલત ખરાબ થઈ હતી. પોતે દેહવેપારની જાળમાં ફસાઈ ગઈ હોવાનું જાણીને પાંચ દિવસ પહેલા કિશોરી સવિતાના ઘરેથી ભાગી ગઈ હતી. ઘરેથી ભાગેલી કિશોરી રેલવે સ્ટેશન પહોંચી હતી. અહીં એક કિન્નરનું ધ્યાન કિશોરી પર પડ્યું હતું. કિશોરીની હાલત સારી ન હોવાથી કિન્નરને કંઈક અજુગતું થયું હોવાની શંકા થઈ હતી. જે બાદમાં તે કિશોરીને પોલીસ સ્ટેશન લઈ ગયો હતો. પોલીસે કિશોરીની પૂછપરછ કરતા સમગ્ર હકીકત સામે આવી હતી. આ મામલે કાપોદ્રા પોલીસે કિશોરીનું અપહરણ, બળાત્કાર, પોક્સોનો ગુનો દાખલ કરીને સવિતાની ધરપકડ કરી હતી.

સંબંધિત સમાચાર

વધુ જુઓ..

જરૂર વાંચો

MIlk - શા માટે દૂધ બેસીને નહીં પણ ઊભા રહીને પીવું જોઈએ?

ભરેલા કારેલાનું શાક

ઘરે પર આ 5 steps માં બનાવો મલાઈ કોફતા અને સ્વાદનો લો મજા

તજ અને વરિયાળીનું પાણી આરોગ્ય માટે છે લાભકારી, ખાલી પેટ પીશો તો વજન અને શુગર રહેશે કંટ્રોલમાં

કુટીનો દારો નો ચીલા

વધુ જુઓ..

નવીનતમ

ચેહર માતાજીનું મંદિર અમદાવાદ

જેકલીન ફર્નાન્ડિસની માતાના પાર્થિવ દેહ અંતિમ સંસ્કાર માટે રવાના, અભિનેત્રીએ આંસુ ભરેલી આંખો સાથે આપી વિદાય

મનોજ કુમાર પંચતત્વમાં વિલીન, પુત્ર કુણાલે આપી મુખાગ્નિ, રાજકીય સમ્માન સાથે આપી વિદાય

CID માં ACP પ્રદ્યુમનની થશે મોત ? બીજી સીજનમાં જોવા મળશે મોટું ટ્વીસ્ટ, જાણો શું છે હકીકત

હંસિકા મોટવાણીએ હાઈકોર્ટનો દરવાજો ખખડાવ્યો, ભાભીના આરોપો ખોટા ગણાવ્યા

આગળનો લેખ
Show comments