Weather Today: આજે દેશભરમાં વાદળો વરસશે! કેટલાક સ્થળોએ ભારે અને હળવા વરસાદની ચેતવણી, જાણો હવામાન અંગે સંપૂર્ણ અપડેટ

દેશમાં ચોમાસુ ઝડપથી આગળ વધી રહ્યું છે. જે રાજ્યોમાં ચોમાસું પહોંચી ગયું છે ત્યાં ભારે વરસાદ પડી રહ્યો છે.

હવામાન વિભાગે 26 જૂને ગોવા, કેરળ, કર્ણાટક, તમિલનાડુ, આસામ, મેઘાલય, ગુજરાત, ઓડિશા, બિહાર અને અરુણાચલ પ્રદેશમાં ભારે વરસાદનું ઓરેન્જ એલર્ટ જાહેર કર્યું છે.

નવીનતમ અપડેટ મુજબ, દક્ષિણ પશ્ચિમ ચોમાસું ઉત્તર અરબી સમુદ્ર, ગુજરાત રાજ્યના કેટલાક વધુ ભાગો અને મધ્યપ્રદેશ અને દક્ષિણપૂર્વ રાજસ્થાનના કેટલાક ભાગોમાં આગળ વધ્યું છે. આગાહી એ પણ સૂચવે છે કે ચોમાસું આગામી 3-4 દિવસમાં રાજસ્થાન, ઉત્તર પ્રદેશ અને અન્ય વિસ્તારોમાં આગળ વધે તેવી શક્યતા છે. ઉત્તર પ્રદેશમાં ટૂંક સમયમાં ચોમાસું આવી શકે છે. ચોમાસું 30 જૂનની આસપાસ દિલ્હીમાં પ્રવેશે તેવી શક્યતા છે.

26 જૂનથી 1 જુલાઈ દરમિયાન દિલ્હીમાં વાવાઝોડા સાથે હળવાથી મધ્યમ વરસાદની શક્યતા છે. IMD અનુસાર, આ સમગ્ર સપ્તાહમાં દિલ્હીનું મહત્તમ તાપમાન 35 થી 38 ડિગ્રી સેલ્સિયસની વચ્ચે રહેવાની સંભાવના છે અને લઘુત્તમ તાપમાન 23 થી 28 ડિગ્રી સેલ્સિયસની આસપાસ રહેવાની શક્યતા છે.