આવતીકાલે એટલે કે શુક્રવારે સવારથી તેમના આ પાર્થિવદેહને જનરલ રાવતના ઘરે લઈ જવાશે, જ્યાં સવારના 11 વાગ્યાથી બપોરના 2 વાગ્યા સુધી લોકો તેમનાં અંતિમ દર્શન કરી શકશે. ત્યાર બાદ અંતિમસંસ્કાર કરાશે. અંતિમયાત્રા કામરાજ માર્ગથી નીકળશે. તામિલનાડુના કુન્નુરમાં થયેલી હેલિકોપ્ટર દુર્ઘટના બાદ એરફોર્સ ચીફ વીઆર ચૌધરી ઘટનાસ્થળે પહોંચી ગયા છે. તેમણે સમગ્ર વિસ્તારનું નિરીક્ષણ કર્યું અને સ્થાનિક અધિકારીઓ પાસેથી દુર્ઘટના અંગે માહિતી મેળવી હતી. કુન્નૂરમાં દુર્ઘટના સ્થળેથી બ્લેક બોક્સ મળી આવ્યું છે.