શિવસેનાના બળવાખોર મંત્રી એકનાથ શિંદે લગભગ 40 પાર્ટી ધારાસભ્યો સાથે ગુવાહાટીમાં કેમ્પ કરી રહ્યા છે. દરમિયાન સૂત્રોએ જણાવ્યું કે, એકનાથ શિંદે ગુવાહાટીથી રાત્રે ગુજરાત ગયા હતા. બાકીના ધારાસભ્યોને હોટલમાં એકલા છોડીને શિંદે બીજેપી નેતાઓને મળવા ગુજરાત પહોંચ્યા અને ત્યાં ગુપ્ત બેઠક કરી.
દેવેન્દ્ર ફડણવીસની મુલાકાત
નવીનતમ માહિતી અનુસાર, શિંદે ખાનગી કારમાં ગુવાહાટી એરપોર્ટ ગયા હતા અને ત્યાંથી ચાર્ટર્ડ પ્લેન દ્વારા ગુજરાત પહોંચ્યા હતા. જ્યાં તેઓ વડોદરામાં વિપક્ષના નેતા દેવેન્દ્ર ફડણવીસને મળ્યા હતા. દરમિયાન, મુંબઈથી મળેલી માહિતી મુજબ, ગઈકાલે રાત્રે મહારાષ્ટ્ર વિધાનસભામાં વિપક્ષના નેતા દેવેન્દ્ર ફડણવીસ ક્યાં હતા, તે લાંબા સમય પછી બહાર આવ્યું છે. ફડણવીસ અને એકનાથ શિંદે વડોદરામાં મળ્યા હતા. દેવેન્દ્ર ફડણવીસ રાત્રે ચાર્ટર્ડ પ્લેન દ્વારા ઈન્દોર પહોંચ્યા અને ત્યાંથી વડોદરા જવા રવાના થયા.