ભારતમાં માર્ચ અને મે વચ્ચે ભારે ગરમીથી પ્રભાવિત 24,849 લોકોમાંથી 56 લોકોના મોત થયા છે. કેન્દ્રીય સ્વાસ્થ્ય મંત્રાલય દ્વારા શેર કરવામાં આવેલા ડેટામાં આ માહિતી આપવામાં આવી છે.
જ્યારે અપ્રમાણિત અહેવાલો અનુસાર મૃત્યુઆંક 300 આસપાસ છે.
દેશમાં હીટ વેવના 19189 શંકાસ્પદ કેસો: નેશનલ સેન્ટર ફોર ડિસીઝ કંટ્રોલ (NCDC) દ્વારા સંકલિત ડેટા અનુસાર, એકલા મે મહિનામાં 46 લોકોના મોત થયા છે. એવું કહેવામાં આવ્યું હતું કે 1 મેથી 30 મેની વચ્ચે દેશમાં હીટ વેવના 19,189 શંકાસ્પદ કેસ નોંધાયા હતા. સૂત્રોએ જણાવ્યું કે આ આંકડાઓમાં ઉત્તર પ્રદેશ, બિહાર અને દિલ્હીમાં મૃત્યુઆંક સામેલ નથી. આવી સ્થિતિમાં મૃત્યુઆંક વધવાની આશંકા છે.