INS રણવીરઃ મુંબઈ નેવલ ડોકયાર્ડમાં મંગળવારે થયેલા અકસ્માતમાં ત્રણ નૌસૈનિકોના મોત થયા છે. જણાવવામાં આવી રહ્યું છે કે INS રણવીરના અંદરના ભાગમાં વિસ્ફોટ થયો છે, જેમાં ત્રણ નાવિકોએ જીવ ગુમાવ્યા છે. જો કે આ ઘટના બાદ તરત જ બચાવ કાર્ય શરૂ કરવામાં આવ્યું હતું. જહાજના ક્રૂ મેમ્બરોએ તરત જ પરિસ્થિતિને કાબૂમાં લેવાનો પ્રયાસ કર્યો હતો. વહાણને વધારે નુકસાન થયું ન હતું. આ ઘટના સાંજે 4.30 કલાકે પ્રકાશમાં આવી હતી. આ ઘટનામાં 11 ખલાસીઓ પણ ઘાયલ થયા છે. તેમની સારવાર ચાલી રહી છે. એક વરિષ્ઠ સૈન્ય અધિકારીએ કહ્યું કે મૃતકોની ઓળખ પીડિતોના પરિવારજનોને જાણ કર્યા પછી જાહેર કરવામાં આવશે. આ પહેલા ઓગસ્ટ 2013માં મુંબઈ પોર્ટ પર એક મોટો અકસ્માત થયો હતો. ત્યારબાદ INS સિંધુરક્ષક પર થયેલા વિસ્ફોટમાં 18 ખલાસીઓએ જીવ ગુમાવ્યો હતો અને સબમરીનને ભારે નુકસાન થયું હતું.
સૂત્રો અનુસાર, ઈસ્ટર્ન નેવલ કમાન્ડમાં આઈએનએસ રણવીર નવેમ્બર 2021 થી દરિયાકાંઠાના વિસ્તારમાં ઓપરેશનલ તૈનાત પર હતું અને જ્યારે વિસ્ફોટ થયો ત્યારે તરત જ તે દરિયાકિનારે પરત આવવાનું હતું. આ મામલે બોર્ડ ઓફ ઈન્કવાયરીનો આદેશ આપવામાં આવ્યો છે. જહાજને વધારે નુકસાન થયાના કોઈ સમાચાર નથી. જો કે આ ઘટનાનું કારણ હજુ સુધી જાણી શકાયું નથી. આ ઘટનામાં નેવીના કેટલાક અન્ય જવાનો પણ ઘાયલ થયા છે કે કેમ તે હજુ સુધી જાણી શકાયું નથી.
INS રણવીર ભારતીય નૌકાદળનું પોર્ટ છે. INS રણવીર નવેમ્બર 2021 થી પૂર્વીય નૌસેના કમાનથી ક્રોસ કોસ્ટ ઓપરેશનલ તૈનાતી પર હતું અને ટૂંક સમયમાં બેઝ પોર્ટ પર પરત આવવાનું હતું. આ મામલે તપાસ માટે બોર્ડ ઓફ ઈન્કવાયરીને આદેશ આપવામાં આવ્યો છે.
કહેવામાં આવી રહ્યું છે કે વિસ્ફોટમાં ઘાયલ થયેલા ત્રણ નૌસૈનિકોને હોસ્પિટલમાં લઈ જવામાં આવ્યા હતા, જ્યાં તેમને મૃત જાહેર કરવામાં આવ્યા હતા. આઈએનએસ રણવીરમાં આ વિસ્ફોટના કારણ વિશે નેવી દ્વારા કોઈ માહિતી આપવામાં આવી નથી. ભારતીય નેવીએ બ્લાસ્ટની તપાસ માટે એક કમિટી બનાવી છે, જે બ્લાસ્ટ કેવી રીતે થયો તેની તપાસ કરશે.
આ એક મોટી ઘટના છે, જેમાં ત્રણ ખલાસીઓએ જીવ ગુમાવ્યો અને 10 સૈનિકો ઘાયલ થયા. તે જ સમયે, કોઈ મોટી સામગ્રી નુકસાનના અહેવાલ નથી. પ્રથમ દ્રષ્ટિએ આ વિસ્ફોટ કોઈપણ તોડફોડ અથવા કોઈપણ હથિયાર અથવા દારૂગોળાની ખામી સાથે સંબંધિત નથી. વિસ્ફોટનું કારણ મશીનરી નિષ્ફળતા હોઈ શકે છે