Maharashtra News : મહારાષ્ટ્રના થાણેમાં સમૃદ્ધિ એક્સપ્રેસ હાઈવે પર મંગળવારે સવારે એક ભયાનક અકસ્માત થયો હતો. થાણેના શાહપુર પાસે ગર્ડર લોન્ચિંગ મશીન તૂટી પડતાં 16 લોકોનાં મોત થયાં અને 3 અન્ય ઘાયલ થયાં.
જણાવવામાં આવી રહ્યું છે કે ક્રેન અને સ્લેબ પડવાને કારણે આ દર્દનાક દુર્ઘટના બની હતી. NDRFની ટીમ ઘટનાસ્થળે પહોંચી ગઈ છે. રાહત અને બચાવ કાર્ય ચાલુ છે. અકસ્માત સ્થળે છ લોકો ફસાયા હોવાની આશંકા છે.
ઉલ્લેખનીય છે કે સમૃદ્ધિ એક્સપ્રેસ હાઈવેના ત્રીજા તબક્કાનું નિર્માણ કાર્ય ચાલી રહ્યું છે જેમાં આ મશીનનો ઉપયોગ કરવામાં આવી રહ્યો હતો.
દુર્ઘટનામાં સામેલ ક્રેન ખાસ હેતુની 'મોબાઇલ ગેન્ટ્રી ક્રેન' હતી જેનો ઉપયોગ પુલ બાંધકામ અને હાઇવે બાંધકામ પ્રોજેક્ટ્સમાં પ્રિફેબ્રિકેટેડ કેન્ટીલીવર બ્રિજ ગર્ડર્સને ઉભા કરવા માટે કરવામાં આવ્યો હતો.