શિક્ષકના મારથી 5 વર્ષના માસૂમનું મોત

તેલંગાણાની રાજધાની હૈદરાબાદમાંથી એક હૃદયદ્રાવક ઘટના સામે આવી છે. સોમવારે અહીંની એક ખાનગી શાળામાં કિન્ડરગાર્ટનના એક વિદ્યાર્થીનું મૃત્યુ થયું હતું જ્યારે એક શિક્ષકે તેનું હોમવર્ક ન કરવા બદલ તેને નિર્દયતાથી માર્યો હતો. વિદ્યાર્થીનું નામ હેમંત હતું, જે 5 વર્ષનો હતો.

ઘટના શનિવારની છે. બાળક શાળામાં બેભાન થઈ ગયો હતો. આ પછી તેને હોસ્પિટલમાં દાખલ કરવામાં આવ્યો,

જ્યાં સારવાર દરમિયાન સોમવારે તેનું મોત નીપજ્યું. બાળકના માતા-પિતા અને પરિવારના અન્ય સભ્યોએ શિક્ષક સામે કાર્યવાહી કરવાની માંગ કરી છે. તેઓએ સોમવારે શાળાની સામે હેમંતની લાશ સાથે વિરોધ કર્યો હતો. પોલીસે આ મામલે તપાસ શરૂ કરી છે.