રોડરેજમાં રને મહિલા મારી થપ્પડ, મહિલાની ધરપકડ

ખતરનાક રીતે કાર ચલાવી રહેલી એક મહિલાએ લાંબા સમય સુધી આર્મીના ટ્રકને સાઈડ ન આપી. આર્મીનો ટ્રક ડ્રાઈવર સતત હોર્ન વગાડીને ઓવરટેક કરવા માટે મહિલા પાસે સાઈડ માંગતો રહ્યો. થોડી વાર પછી મહિલાએ આર્મીના ટ્રક આગળ પોતાની કાર રોકી દીધી. મહિલાએ પહેલા આર્મીના ટ્રક ડ્રાઈવરને થપ્પડ મારી. ટ્રકમાં બેસેલા સૂબેદાર રૈંકના ઓફિસરે જ્યારે નીચે આવીને મામલો શાંત કરાવવાનો પ્રયત્ન કર્યો તો મહિલાએ તેમને પણ 2-3 થપ્પડ મારી દીધી. આર્મીના એક બીજા જવાને આ સમગ્ર ઘટનાની વીડિયો રેકોર્ડિંગ કરી લીધી. 

આ ઘટના દિલ્હીના વસંત કુંજની છે, જે શનિવારે ઘટી હતી. આ ઘટનાને ત્યાંથી પસાર થતી એક વ્યક્તિએ કેમેરામાં કેદ કરી લીધી હતી. કેમેરામાં સ્પષ્ટ દેખાઈ રહ્યું છે કે, 44 વર્ષીય સ્મૃતિ કાલરા સેન આ જવાન સાથે ઝઘડો કરતી દેખાય છે. જ્યારે સૈન્યનો આ જવાન પોતાને આ મહિલાથી બચાવવાની કોશિશ કરી રહ્યો છે. બાદમાં અન્ય એક સૈનિક આવીને વચ્ચે પડતા મહિલા ગુસ્સામાં તેની ગાડી તરફ આગળ વધી ગઈ. આ વીડિયો સોશિયલ મીડિયા પર ઝડપથી વાઇરલ થઈ ગયો હતો.

ગુરગાંવમાં રહેતી સ્મૃતિ કાલરાએ તેની તાતા ઇન્ડિકા કારને આર્મી ટ્રક સામે રોકી લીધી હતી. જ્યારે આ જવાન ટ્રકમાંથી નીચે ઊતર્યો તો મહિલાએ તેની સાથે મારપીટ શરૂ કરી દીધી હતી. આમ તો આ મામલો રોડ રેજનો લાગી રહ્યો છે. જોકે કારણ હજી સ્પષ્ટ થયું નથી.