જસપાલ ભટ્ટી દ્વારા નિર્દેશિત અંતિમ ફિલ્મ પાવર કટ (હિન્દી અને પંજાબી) આ શુક્રવારે (24 ઓક્ટોબર) રજૂ થઈ રહી છે અને તેના પહેલા જ જસપાલ ભટ્ટીનુ રોડ અકસ્માતમાં મૃત્યુ થઈ ગયુ. પોતાના સ્વભાવ મુજબ જસપાલ ભટ્ટીએ હાસ્ય ફિલ્મ બનાવી છે અને આ વખતે તેમના નિશાના પર મંત્રી અને વિજળી વિભાગ છે. જેના પર ભટ્ટીએ જોરદાર વ્યંગ્ય કર્યો છે.
જ્યારે પણ પાવર કટ થાય છે, ભલે પછી એ રાજનીતિનો હોય કે ઈલેક્ટ્રીકલ લોકોના ગરમા-ગરમ ડિસ્કશનમાં સ્પાર્ક જોવા મળે છે. ભારતના મોટાભાગના વિસ્તારમાં પાવર કટને કારણે આજે પણ લોકો અંધારામાં રહેવા મજબૂર છે અને તેના આધારે જ એક રોમાંટિક કોમેડી ફિલ્મ જોવા મળી છે.
વાર્તા પંજાબમાં સેટ છે. પ્રેમ ચોપડા રાજ્યના પાવર મિનિસ્ટરની ભૂમિકામાં છે અને રાજેશ પુરીએ પાવર કોર્પોરેશનના સીએસડીની ભૂમિકા ભજવી છે. આ ફિલ્મમાં ઈલેક્ટ્રિકલ અને પોલિટિકલ સિસ્ટમ પર વ્યંગ્ય કર્યો છે.
ફિલ્મમાં હીરોઈનનુ નામ બીજલી છે અને હીરોનુ નામ કરંટ. આ પ્રકારના નામ જસપાલ ભટ્ટી જ મુકી શકે છે. ફિલ્મના ક્રેડિટ ટાઈટલ પણ તેમણે જ પોતાની સ્ટાઈલમાં મુખ્યુ છે. ગીતકારનો શ્રેય આપતા તેમણે લખ્યુ છે ક તુકબંદી કુમાર દ્વારા કેમરા જર્ક્સ રાજૂ કેજી દ્વારા અંડરગ્રાઉંડ સિંગર સુનિધિ ચૌહાન, મીકા.
પોતાની આ ફિલ્મ વિશે જસપાલે કહ્યુ હતુ કે જો નેતા પોલિટિકલ પાવર માટે જેટલો સમય લગાવે છે, મહેનત કરે છે, તેનો અડધો પણ ઈલેક્ટ્રિકલ પાવરની પ્લાનિંગમાં લગાવે તો આખો દેશ ઝગમગી જશે.