જય (ઈમરાન ખાન) લવ, પ્રેમ, મહોબ્બત જેવા શબ્દોથી દૂર ભાગે છે. તેને લવ સ્ટોરીઝ કે લવ પર બિલકુલ વિશ્વાસ નથી. તે વીર નામના ફિલ્મ ડાયરેક્ટરનો આસિસ્ટટેંટ છે. જયનુ દુર્ભાગ્ય જુઓ કે વીર ઈંડિયન ફિલ્મ ઈંડસ્ટ્રીનો સૌથી જાણીતો રોમાંટિક ફિલ્મ મેકર છે. તે કાયમ પ્રેમની ચાસણીમાં રસબોળ ફિલ્મો બનાવે છે. ન ઈચ્છવા છતા તે રોજ આ બધી વાતોથી ધેરાયેલો રહે છે, જે તેને નથી ગમતુ. કાલ્પનિક, બનાવટી ફિલ્મોને જોઈ લવ સ્ટોરીઝથી જય મોઢુ ફેરવી નાખે છે. વાત ત્યારે વધુ બગડી જાય છે જ્યારે તેને એક નવી પ્રોડક્શન ડિઝાઈનર સિમરન(સોનમ કપૂર) સાથે કામ કરવુ પડે છે. બંનેની પ્રથમ મુલાકાત ધમાકેદારથી થાય છે.
જયથી વિરુધ્ધ સિમરને લવ સ્ટોરીઝ વધુ ગમે છે. નખશિખ સુધી તે રોમાંટિક છે. ફ્લાવર્સ, ચોકલેટ્સ, ગિફ્ટ્સ, રોમાંટિક સોંગ્સ, પ્રેમમા નો સોરી નો થેંક્સ જેવી વાતો તેના મગજમાં કાયમ ચાલતી જ હોય છે. તેની જીંદગી ખૂબ જ સુંદર છે મનપસંદ નોકરી અને પ્રેમાળ બોયફ્રેંડ તેની જીંદગીમાં છે, જેના પર તેને પૂર્ણ વિશ્વાસ છે. જય અને સિમરન એક લવ સ્ટોરી પર સાથે કામ કરે છે અને વિચારોમાં ભિન્નતા હોવાને કારણે તેમની વચ્ચે મજેદાર લડાઈ થાય છે. શુ જય અને સિમરન પોતાની લવ સ્ટોરીઝ શોધી શકશે ? આ જાણવા માટે જોવી પડશે 'આઈ હેટ લવ સ્ટોરીઝ' જે 2 જુલાઈથી સિનેમાઘરોમાં જોવા મળશે.