મહારાણીનો પાર્થિવ દેહ વેસ્ટમિન્સટર એબેમાં ધાર્મિક સભા પૂર્ણ થયા બાદ વિન્ડસર કાસલ લઈ જવામાં આવ્યો હતો.
મહારાણીના તાબૂતની વેસ્ટમિન્સટર એબેથી વૅલિંગ્ટન આર્ક સુધી ગન કૅરેજમાં યાત્રા બાદ તેમને સ્ટેટ હેર્સમાં વિન્ડસર કાસલ લઈ જવાયાં હતાં.
રાજવી પરિવારના વરિષ્ઠ સભ્યો, સશસ્ત્ર સેવાઓના સભ્યો અને રૉયલ કૅનેડિયન માઉન્ટેડ પોલીસ લંડનમાં મહારાણીની અંતિમયાત્રામાં જોડાયા હતા.
રાજવી પરિવારના સભ્યો વેસ્ટમિન્સટર એબેમાં મહારાણી એલિઝાબેથ દ્વિતીય માટે યોજાયેલી ધાર્મિક સભામાં પ્રથમ હરોળમાં બેઠા હતા. આ ધાર્મિક સભામાં બે હજાર જેટલા આમંત્રિતો હાજર રહ્યા હતા.