છત્તીસગઢમાં આજકાલ એક લગ્ન ચર્ચાનો વિષય બન્યો છે. કારણ કે એક છોકરાએ એક જ મંડપમાં બે છોકરીઓ સાથે લગ્ન કર્યા છે. બંને છોકરીઓ ચંદુ મૌર્ય નામના વ્યક્તિના પ્રેમમાં પડી ગઈ, ત્યારબાદ બંને યુવતીઓએ પરસ્પર સંમતિથી લગ્ન કરવાનું નક્કી કર્યું.
મામલો રાજ્યના જગદલપુરનો છે જ્યાં ચંદુ ખેતી ખેડૂત તરીકે કામ કરે છે. ચંદુ એક વર્ષ પહેલા સુંદરી નામની યુવતી સાથે પ્રેમમાં પડ્યો હતો, ત્યારબાદ તે તેને તેના ઘરે લઈ આવ્યો હતો. બરાબર એક મહિના પછી, તેને હસીના નામની બીજી છોકરી સાથે પ્રેમ થઈ ગયો, અને ચંદૂ તેને પણ પોતના ઘરે લઈ આવ્યો અને ત્રણેય સાથે રહેવા લાગ્યા.
<
Such incidents keep getting reported. This is Chhattisgarh. Earlier in MP. https://t.co/2IkrUdtCxL
પ્રેમના આ સંગમમાં એક સાથે રહીને આનંદ પણ થયો અને તેથી જ લગભગ એક વર્ષ સાથે રહ્યા પછી ત્રણેએ એક બીજા સાથે લગ્ન કરવાનું નક્કી કર્યું. વરરાજા અને બંને નવવધૂનુ કહેવુ છે કે તેઓ એક વર્ષથી ખુશીથી સાથે રહી રહ્યા છે અને તેમને એકબીજા સાથે કોઈ સમસ્યા નથી. જે બાદ ત્રણેએ એક સાથે લગ્ન કરવાની વાત પોતાના પરિવારની સામે મૂકી દીધી હતી. આશ્ચર્યની વાત એ છે કે બંને છોકરીઓના પરિવારોએ લગ્નના આ નિર્ણયને ખુશીથી સ્વીકાર્યો. બંને છોકરીઓના પક્ષ તરફથી ગ્રીન સિગ્નલ મળ્યો, તો ચંદુના પરિવારજનો પણ આ લગ્ન માટે સંમત થયા.
આ લગ્ન 3 જાન્યુઆરી 2021 ના રોજ યોજાયા હતા, જેમાં 600 જેટલા લોકોએ ભાગ લીધો હતો. કેટલાક લોકો કહે છે કે લગ્નમાં ત્રણ પક્ષના પરિવાર ઉપરાંત અન્ય સંબંધીઓનો મોટો મેળાવડો હતો. ચંદુના પરિવાર સહિત બંને યુવતીઓના પરિવાર લગ્નમાં હાજરી આપી હતી અને ખૂબ ધાંધલ-ધમાલ સાથે લગ્ન સંપન્ન થયા.