ખીચડી કે દલિયા, વજન ઘટાડવા માટે વધુ ફાયદાકારક શું જાણો શું કહે છે ડાયેટિશિયન?

વધતું વજન તમારા સ્વાસ્થ્ય માટે ખૂબ જ નુકસાનકારક છે. વધતું વજન સ્વાસ્થ્ય સંબંધિત અનેક સમસ્યાઓને જન્મ આપે છે. જાડાપણાને  કારણે આપણું શરીર અનેક ગંભીર રોગોનો શિકાર બને છે. આવી સ્થિતિમાં, વજન ઘટાડવા માટે, લોકો એવા આહારનો આશરો લે છે જે તેમને પ્રોટીન, ફાઇબર અને અન્ય પોષક તત્વો પ્રદાન કરે છે. આવા જ પોષકતત્વોથી ભરપૂર એક વાનગી છે દલિયા અને ખીચડી. ખીચડી અને દલિયા બંનેનો સ્વાદ ઉત્તમ છે. વજન ઘટાડવા માટે પણ લોકો તેનું સેવન કરે છે. પરંતુ આ બેમાંથી કયો ખોરાક સ્વાસ્થ્ય માટે વધુ ફાયદાકારક છે? ચાલો જાણીએ અમારા ડાયેટિશિયન પાસેથી કે  વજન ઘટાડવા માટે તમારે આ બેમાંથી કઈ વસ્તુ ખાવી જોઈએ?

ખીચડી અને  દલિયા પોષણથી ભરપૂર  

ખીચડી અને  દલિયા એક એવી રેસિપી છે જે દરેક ઘરમાં બને છે અને લોકો તેનો સ્વાદ ખૂબ પસંદ કરે છે. આ બંને વાનગીઓમાં ઘણી બધી શાકભાજી અથવા પનીર અથવા સોયા ચંક્સનો સમાવેશ કરીને, આપણે સાદી ખીચડી અને દલિયાને સ્વાદિષ્ટ અને પોષણથી ભરપૂર બનાવી શકીએ છીએ. જ્યાં સુધી વજન ઘટાડવાની વાત છે, ખીચડી અને દલિયા બંને તમને વજન ઘટાડવામાં મદદ કરી શકે છે. કારણ કે આ બંને ભોજનમાં ખૂબ જ ઓછી ચરબી અને કેલરીનો ઉપયોગ થાય છે અથવા તો આપણે તેને કોઈપણ ચરબી વગર ખાઈ શકીએ છીએ. જેના કારણે ફેટમાંથી કેલરી પણ મળતી નથી અને બાકીના વિટામિન્સ, મિનરલ્સ અને પ્રોટીન શરીરને મળી રહે છે.

ફાઈબરથી ભરપૂર 

ખીચડી અથવા દલિયામાં શાકભાજીનો ઉપયોગ કરવાથી ફાઈબરનું પ્રમાણ વધે છે, જેના કારણે લોકોને કબજિયાતની ફરિયાદ નથી થતી. આમાં ફાઈબરની માત્રા વધુ હોવાને કારણે તમને જલ્દી ભૂખ નથી લાગતી. આ કારણે લોકો વધારે ખાતા નથી. જેના કારણે તમારું વજન કંટ્રોલ થવા માંડે છે.

મળે છે પ્રોટીન  

લોકો સામાન્ય રીતે ખીચડી અને દલિયામાં શાક અથવા ફણગાવેલા કઠોળ ઉમેરે છે, જે તમારા શરીરમાં પ્રોટીનનું પ્રમાણ વધારે છે, જે તમારા સ્નાયુઓને મજબૂત બનાવે છે અને ત્વચાને ઢીલી પડતી અટકાવે છે. આ ઉપરાંત દહીંમાં ભેળવીને ખીચડી ખાવાથી પણ તમારૂ પાચનતંત્ર સ્વસ્થ રહે છે.