Chandra Grahan Sutak Timing: ચંદ્રગ્રહણનુ સૂતક ભારતમાં ક્યારથી ક્યા સુધી રહેશે ? જાણી લો સાચો સમય

Chandra Grahan

Chandra Grahan Sutak Timing: વર્ષ 2025 નુ અંતિમ ચંદ્રગ્રહણ ભાદરવા માસના શુક્લ પક્ષની પૂર્ણિમા તિથિના રોજ લાગશે.  આ ચંદ્રગ્રહણ 7 સપ્ટેમ્બરની રાતથી શરૂ થઈને મઘ્યરાત્રિએ 1 વાગીને 26 મિનિટ સુધી રહેશે.  આ ચંદ્રગ્રહણ ભારતમાં પણ જોવા મળશે, તેથી તેનું સૂતક ભારતમાં પણ માન્ય છે. આવી સ્થિતિમાં, આજે અમે તમને જણાવવા જઈ રહ્યા છીએ કે ભારતમાં સૂતકનો સમય શું હશે અને આ સમય દરમિયાન તમારે કઈ બાબતોનું ધ્યાન રાખવું જોઈએ.

ચંદ્રગ્રહણ રાત્રે 9:57 વાગ્યે (7 સપ્ટેમ્બર) થી શરૂ થશે 

ચંદ્રગ્રહણ સવારે 1:27 વાગ્યે (8 સપ્ટેમ્બર) સમાપ્ત થશે 

સુતક કાળ બપોરે 7 સપ્ટેમ્બર 12:57 વાગ્યે શરૂ થશે 

ચંદ્રગ્રહણના અંત સાથે સૂતક કાળ સમાપ્ત થશે.

ચંદ્રગ્રહણ દરમિયાન રાખો આ સાવધાનીઓ  

જ્યારે ચંદ્રગ્રહણનો સૂતક કાળ શરૂ થાય છે, ત્યારે તમારે ભૂલથી પણ પૂજા સ્થાનની મૂર્તિને સ્પર્શ ન કરવો જોઈએ. ગ્રહણના સૂતક કાળથી ગ્રહણના અંત સુધી પૂજા સ્થાનને ઢાંકેલું રાખવું જોઈએ. આ માટે, તમે લાલ કે પીળા કપડાનો ઉપયોગ કરી શકો છો. ગ્રહણ દરમિયાન તમારે ખોરાક રાંધવાનું પણ ટાળવું જોઈએ અને ન તો તમારે ખોરાક ખાવો જોઈએ. ગ્રહણ દરમિયાન ભૂલથી પણ શારીરિક સંબંધ ન બાંધવા જોઈએ, આ તમારા સ્વાસ્થ્ય અને જીવન પર ખરાબ અસર કરી શકે છે. આ સમય દરમિયાન નખ અને વાળ કાપવાનું પણ યોગ્ય માનવામાં આવતું નથી. ગ્રહણ દરમિયાન કાતર, છરી, સોય અને દોરાનો ઉપયોગ કરવાનું પણ ટાળવું જોઈએ.

શુ કરવુ યોગ્ય રહેશે 

ગ્રહણ દરમિયાન મંત્રોનો જાપ કરવો ખૂબ શુભ માનવામાં આવે છે. આ દરમિયાન તમે ભગવાન શિવ કે પછી તમારા ઈષ્ટ દેવના મંત્રોનો જાપ કરી શકો છો.  ગ્રહણ કાળમા દાન કરવાથી પણ તમને શુભ ફળની પ્રાપ્તિ થાય છે.  આ કાર્ય કરવાથી કુંડળીમા રહેલા ગ્રહોની સ્થિતિ સુધરે છે અને તમારા જીવનમાં શુભ ફળ પણ પ્રાપ્ત થાય છે.