ઈડલી બનાવવા માટે સામગ્રી - 1 કપ રવો, અડધો કપ દહી, 1 મોટી ચમચી બેકિંગ સોડા, સ્વાદમુજબ મીઠુ, 1 નાની ચમચી તેલ, એક ચોથાઈ કપ પાણી , એક મોટી ચમચી માખણ, 1 ચોથાઈ કપ પાણી,
બનાવવાની રીત - એક બાઉલમાં રવો, દહીં, બેકિંગ સોડા, મીઠુ, તેલ અને પાણી નાખો અને સારી રીતે મિક્સ કરીને ઈડલીનુ ખીરુ તૈયાર કરી લો. તમે આ મિશ્રણ મિક્સરમાં પણ કરી શકો છો. હવે 3 નાની વાડકીમાં ચિકાશ લગાવીને તેમા ઈડલીનુ ખીરુ નાખો.
- ત્યારબાદ એક કડાહીમાં 3 કપ પાણી નાખીને તેમા આ વાડકી મુકો અને તેજ તાપ પર ઢાંકીને થવા દો. તેમા 10-12 મિનિટ લાગશે. ગેસ બંધ કરી દો અને ઠંડુ થયા પછી ઈડલીને વાડકીમાંથી કાઢીને લાંબી લાંબી કાપી લો.
- એક ફ્રાઈ પેનમાં માખણ ગરમ કરો અને તેમા ઈડલી ફ્રાય કરી લો.
- હવે એક બીજા ફ્રાઈ પેનમાં તેલ નાખીને ધીમા તાપ પર ગરમ થવા દો. જ્યારે તેલ ગરમ થાય ત્યારે તેમા લસણ આદુ અને લીલા મરચા નાખીને સોનેરી થવા દો. ત્યારબાદ લીલી ડુંગળી અને શિમલા મરચુ નાખીને 4-5 મિનિટ થતા સુધી સાંતળો. હવે તેમા સોયા સોસ, ખાંડ, કાળા મરીનો પાવડર, કોર્ન ફ્લોર ખીરુ અને ઈડલી નાખીને 2-3 મિનિટ થવા દો. ચિલી ઈડલી તૈયાર છે.