Webdunia - Bharat's app for daily news and videos

Install App

પાટીદારોને સાબરમતી જેલમાંથી મહેસાણા જેલમાં ટ્રાન્સફરની માગ

પાટીદારોને સાબરમતી જેલમાંથી મહેસાણા જેલમાં ટ્રાન્સફરની માગ
Webdunia
બુધવાર, 1 જૂન 2016 (16:58 IST)
મહેસાણામાં જેલભરો આંદોલન સમયે થયેલા તોફાન કેસમાં મંગળવારે 26 આરોપી પાટીદારોને  મહેસાણા જ્યુડિશિયલ કોર્ટમાં રજૂ કરવામાં આવ્યા હતા. તોફાન કેસમાં મંગળવારે બપોરે 11-30 કલાકે મહેસાણા અને સાબરમતી જેલની પોલીસના બંદોબસ્ત વચ્ચે મહેસાણા કોર્ટમાં મુદતે લવાયેલા 26 પાટીદારોને જોતાંની સાથે જ હાજર તેમના પરિવારજનોએ ‘જય પાટીદાર..જય સરદાર..’ના નારા લગાવ્યા હતા. રજૂ કરાયેલા તમામ પાટીદારોની હાજરી પુરાયા બાદ આગેવાન અંબાલાલ પટેલે (ટીટી) તમામ કથિત આરોપીઓ વતી કોર્ટમાં વિનંતી કરી હતી કે, ‘અમે ધાડપાડુઓ કે લૂંટારૂઓ નથી કે નથી અમે કોઇની હત્યા કરી.’ જેલમાં બંધ તમામ પાટીદારોને સાબરમતી જેલમાંથી મહેસાણા જેલમાં ટ્રાન્સફરની માગ કરી હતી.

અંબાલાલે કોર્ટમાં કહ્યું કે અમે તો અમારા હક માટે લડી રહ્યા છીએ. ત્યારે તમામને અમદાવાદ સાબરમતી જેલના બદલે મહેસાણા સબ જેલમાં ટ્રાન્સફર કરવામાં આવે તો અમારા પરિવારનો કોઇ પ્રશ્ન હોય ત્યારે પરિવારની પરોક્ષ રીતે મદદ કરી શકીએ. જોકે, કોર્ટે વિનંતી સાંભળ્યા બાદ સાબરમતી જેલના સત્તાવાળાઓ સાથે જરૂરી માહિતી મેળવીશું. આગલી સુનાવણી માટે 14મી જૂનની મુદત આપી હતી.
મહેસાણા કોર્ટમાં મુદતે લવાયેલા એસપીજીના અધ્યક્ષ લાલજી પટેલ સહિતના આગેવાનો પોલીસ બંદોબસ્ત વચ્ચે હતા. જો કે તેમને હાથકડી પહેરાવવામાં આવી નહોતી. પણ પાસના ઉત્તર ગુજરાતના કન્વીનર નરેન્દ્ર પટેલ અને સુરેશ પટેલ (ઠાકરે)ને પોલીસ હાથકડી પહેરાવીને કોર્ટમાં લાવવામાં આવ્યા હતા.
આ કેસના તપાસનીશ અધિકારીએ જેલમાં બંધ પાસના આગેવાન સુરેશ પટેલ (ઠાકરે)ના 6 દિવસના રિમાન્ડ મેળવવા જ્યુડિશિયલ કોર્ટમાં અરજી આપી હતી. કોર્ટે તે રદ કરતાં સરકાર તરફે ચોથા એડિશનલ સેશન્સ કોર્ટમાં રિવીઝન અરજી દાખલ કરાઇ હતી. જેની સુનાવણી બુધવાર પર મુલતવી રખાઇ હતી.
વધુ જુઓ..

જરૂર વાંચો

ગુજરાતી જોક્સ - નવા લગ્ન

ગુજરાતી જોક્સ - પતિ-પત્ની વચ્ચે ઝઘડો

ગુજરાતી જોક્સ - પત્ની સાથે લગ્ન

ગુજરાતી જોક્સ - હોરર ફિલ્મમાં,

ગુજરાતી જોક્સ - બળદને ગાય

વધુ જુઓ..

નવીનતમ

વરુ અને ઘેટાંની વાર્તા

આ ઉપાયો માસિક દરમિયાન દુખાવો અને ગુસ્સાને કંટ્રોલ કરી શકે છે

Cake Recipe- બેટર માત્ર 1 મિનિટમાં તૈયાર થઈ જશે, ઘરે જ બનાવો સ્પોન્જ કેક

ઈમ્યુનિટીને રોકેટની જેમ કરશે બૂસ્ટ આ સૂપ, સ્વાદ એવો કે ભૂલી નહી શકો અને શરદી-ખાંસી પણ થશે દૂર

ચા પીતી વખતે ભૂલથી પણ ન કરશો આ ભૂલ, શરીરમાં જઈને બનાવશે ઝેર, બની જશો ખતરનાક બીમારીઓના દર્દી

આગળનો લેખ
Show comments