ગુવાહાટીમાં એક કિશોરીને નિર્વસ્ત્ર કરીને તેની છેડતી કરવાન ઘટનાઓ મુખ્ય આરોપી અમરજ્યોતિ કાલિતા પોલીસના હાથે ઝડપાઇ ગયો છે. સૂત્રોના જણાવ્યાનુસાર કાલિતાને ભુવનેશ્વર રેલવે સ્ટેશનની બહારથી ઝડપી લેવાયો છે. તંત્રે એ મિંટ બારને પણ બંધ કરાવી દીધું છે કે જેની સામે આ છેડતીનીઘટના બની હતી.
તો વળી, અન્ય ઘટનાક્રમ અંતર્ગત આજે રવિવારે ગુવાહાટીમાં સેંકડો લોકોએ છોકરી સાથે થયેલી આ છેડતીના વિરોધમાં દેખાવો કર્યા હતા. પ્રદર્શનકારીઓએ આરોપીઓને આકરામાં આકરી સજા કરવાની માગણી કરી હતી. આ ઉપરાંત લોકોએ ન્યૂઝ ચેનલ ન્યૂઝ લાઇવ પર પણ પ્રતિબંધ મૂકવાની માગણી કરી છે.
આ અગાઉ રવિવારે જ પોલીસે અન્ય બે આરોપીઓની પણ ધરપકડ કરી છે. ધરપકડ કરાયેલા આ બંને યુવકોનાં નામ નબજ્યોતિ ડેકા અને દિગોંતો બાસુ છે. આ પહેલાં પોલીસે ૪ આરોપીઓની ધરપકડ કરી હતી.