ચીનના સૌથી મોટા શહેર શંઘાઈમાં કોવિડ-19ના કેસ વધી રહ્યા છે. લાખો લોકો લોકડાઉનના કારણે પોતાના ઘરમાંથી બહાર નથી નીકળી રહ્યા. સ્વાસ્થ્ય અધિકારીઓએ જણાવ્યુ કે છેલ્લા 24 કલાકમાં સંક્રમણના લક્ષણ નથી. બંને પ્રકારના મામલા ગઈકાલની તુલનામાં થોડા વધુ છે. બીજી બાજુ ઉત્તર પૂર્વી શહેરના જીલ્લામાં રવિવારે કોરોના વાયરસના કુલ 4455 નવા કેસ સામે આવ્યા છે. જે શનિવારે આવેલા કેસની સામે સૌથી વધુ છે. અનેક દેશોની તુલનામાં આ સંખ્યા ઓછી છે. પરંતુ દૈનિક મામલે ચીનમાં 2019 ના અંતમાં વુહાનમાં મળેલા મામલા પછી સૌથી વધુ સંખ્યા છે.
શાંઘાઈમાં 8 હજાર કેસ મળ્યાં
શંઘાઈમાં 2.6 કરોડની વસ્તી બે ચરણમાં લોકડાઉનનો સામનો કરી રહી છે. અહી હાલત એટલી ખરાબ છે કે સરકારને અહી સેના મોકલવી પડી છે. ગ્લોબલ ટાઇમ્સે જણાવ્યું કે વાઇરસનો નવો વેરિયન્ટ શાંઘાઇથી 70 કિ.મી. દૂર મળ્યો છે, જે ઓમિક્રોનના BA.1.1 વેરિયન્ટમાંથી ડેવલપ થયો છે. નવો વેરિયન્ટ ચીનમાં ફેલાયેલા કોરોના વાઇરસ સાથે મેળ નથી ખાતો. ચીનમાં કુલ નવા કેસ પૈકી 8 હજાર કેસ દેશના ફાયનાન્સિયલ હબ શાંઘાઇમાં મળ્યા, જેના કારણે ત્યાંના 2.5 કરોડ લોકો તેમના ઘરોમાં કેદ છે. લૉકડાઉનથી ટ્રાન્સપોર્ટને અસર થવાની આશંકા છે, જેના કારણે શહેરમાં જીવનજરૂરી ચીજવસ્તુઓનો સપ્લાય અવરોધાઇ રહ્યો છે.
પુડૉંગમાં લાખો લોકો ઘરમાં થયા કેદ
પૂર્વીય પુડોંગ પ્રદેશના રહેવાસીઓને શુક્રવારે તેમના ઘર છોડવાની મંજૂરી આપવામાં આવી હતી, જ્યારે પશ્ચિમી પુડોંગ પ્રદેશના રહેવાસીઓ શુક્રવારથી ચાર દિવસના લોકડાઉન હેઠળ હતા. ખાતરી હોવા છતાં, પુડોંગમાં લાખો લોકો કેદ થવાનું ચાલુ રાખે છે. રહેવાસીઓને દરરોજ કોવિડ-19 માટે ટેસ્ટ કરાવવા, ઘરે માસ્ક પહેરવા સહિત સાવચેતીના પગલાં લેવા અને પરિવારના સભ્યોની નિકટતા ટાળવા માટે કહેવામાં આવ્યું છે. વુહાનમાં 76 દિવસનું લોકડાઉન લાદવામાં આવ્યું હતું, પરંતુ ત્યાંના લોકોને તેના વિશે બહુ ફરિયાદ નહોતી. શાંઘાઈમાં ઘણા લોકો આ અંગે ફરિયાદ કરી રહ્યા છે. તેઓ તેમની સમસ્યાઓ સોશિયલ મીડિયા પર શેર કરી રહ્યા છે.