Malaysian Navy helicopters collide- હવામાં બે હેલિકોપ્ટર અથડાતા, 10ના મોત

Helicopters Collide in Malaysia- મલેશિયામાં નૌકાદળના કાર્ય માટે પ્રેક્ટિસ દરમિયાન બે હેલિકોપ્ટર મધ્ય હવામાં અથડાયા અને ક્રેશ થયા. મલેશિયન નેવીના બંને હેલિકોપ્ટર રોયલ મલેશિયન નેવી સેલિબ્રેશન માટે પ્રેક્ટિસ કરી રહ્યા હતા.

સ્થાનિક મીડિયાના અહેવાલમાં કહેવામાં આવી રહ્યું છે કે બંને હેલિકોપ્ટરમાં ઓછામાં ઓછા 10 ક્રૂ મેમ્બર સવાર હતા. કહેવામાં આવી રહ્યું છે કે તમામ લોકો માર્યા ગયા છે.

મલેશિયન નેવીએ એક નિવેદનમાં જણાવ્યું હતું કે મંગળવારે રોયલ મલેશિયન નેવી પરેડના રિહર્સલ દરમિયાન હવામાં બે હેલિકોપ્ટર અથડાતા 10 લોકોના મોત થયા હતા. નેવીએ જણાવ્યું હતું કે અકસ્માતમાં સામેલ પ્લેનમાં તમામ 10 ક્રૂ મેમ્બર સવાર હતા. આ દુર્ઘટના મંગળવારે સવારે 9.32 વાગ્યે પશ્ચિમી રાજ્ય પેરાકમાં લુમુત નેવલ બેઝ પર બની હતી. નેવીએ જણાવ્યું હતું કે 'તમામ પીડિતોનું ઘટનાસ્થળે જ મોત થયું હતું અને તેમને ઓળખ માટે લુમુત આર્મી બેઝ હોસ્પિટલમાં મોકલવામાં આવ્યા હતા.'

<

Military helicopters collide in Malaysia

SOURCE: HOF @BoGoAZ5 pic.twitter.com/OAgceMCong

— The Gary & Dino Show (@garyanddino) April 23, 2024 >

બીબીસીએ સ્થાનિક મીડિયાને ટાંકીને જણાવ્યું હતું કે અકસ્માતમાં જાન-માલનું નુકસાન થયું છે. સ્થાનિક મીડિયામાં જાહેર કરાયેલા ફૂટેજ મુજબ, સ્ટેડિયમમાં અથડાતા પહેલા બે હેલિકોપ્ટર અથડાયા હતા. આ અકસ્માત અંગે હજુ વધુ માહિતી બહાર આવી નથી.