ચીનમાં ફિલ્મી સ્ટાઈલમાં એક પછી એક 49 વાહનોની ટકકર બાદ લાગી આગ, 16 લોકોના ઘટનાસ્થળે જ મોત

china

  મધ્ય ચીનના હુનાન પ્રાંતમાં એક હૃદયદ્રાવક અકસ્માત સર્જાયો છે. અહીં માત્ર 10 મિનિટમાં જ એક પછી એક વાહનો અથડાયા હતા અને કુલ 49 વાહનો અથડાયા હતા. આ દરમિયાન અકસ્માતમાં ઓછામાં ઓછા 16 લોકોના મોત થયા હતા. જ્યારે અન્ય 66 લોકો ઘાયલ થયા હતા. ઘટના બાદ મોટી સંખ્યામાં રેસ્ક્યુ અને રાહત ટીમો ઉપરાંત રાહદારીઓ અને સ્થાનિક લોકો ઘટનાસ્થળે એકત્ર થયા હતા. ઘાયલોને નજીકની હોસ્પિટલમાં દાખલ કરવામાં આવ્યા છે. ઘાયલોમાં ઘણાની હાલત નાજુક છે. ટક્કર એટલી જબરદસ્ત હતી કે વાહનોમાં આગ લાગી ગઈ હતી.

મીડિયા રિપોર્ટ્સ અનુસાર, આ અકસ્માત શનિવારે સાંજે ચાંગશા શહેરમાં શુચાંગ-ગુઆંગઝૂ હાઇવે પર થયો હતો. પરંતુ આ માહિતી આજે રવિવારે આપવામાં આવી હતી. સરકાર સંચાલિત સીજીટીએનના ન્યૂઝ પોર્ટલ અનુસાર, અકસ્માતમાં 10 મિનિટની અંદર કુલ 49 વાહનો એકબીજા સાથે અથડાઈ ગયા. અહેવાલમાં સ્થાનિક ટ્રાફિક પોલીસ વિભાગના હવાલાથી કહેવામાં આવ્યું છે કે આ અકસ્માતમાં 16 લોકોના મોત થયા છે અને 66 લોકો ઘાયલ થયા છે. તેમાં કહેવામાં આવ્યું છે કે તમામ ઘાયલોને હોસ્પિટલમાં દાખલ કરવામાં આવ્યા છે, જેમાંથી આઠની હાલત ગંભીર છે.

ઘાયલોના પરિવારજનોને જાણ કરવામાં આવી છે. પોલીસ અકસ્માત કેવી રીતે થયો તે અંગે માહિતી મેળવી રહી છે. સ્થાનિક લોકોના જણાવ્યા અનુસાર માર્ગ અકસ્માતમાં માર્યા ગયેલાઓમાં ઘણા યુવાનો અને બાળકો પણ હોઈ શકે છે. આ અકસ્માત એટલો ખતરનાક હોવાનું કહેવાય છે કે તમામ 49 વાહનોના ફુરચા ઉડી ગયા હતા. પહેલા એક વાહનને પાછળથી બીજા વાહને ટક્કર મારી હતી. આ પછી વાહનો એક બીજાની પાછળ સીરીયલ અથડાયા હતા. કોઈને સાજા થવાની તક મળતી ન હતી.

<

Within 10 minutes, five vehicle collision accidents have occurred on an #expressway in #Hunan province on Saturday. The accidents have left 16 #dead and another 66 injured, according to local #traffic police#China #湖南 #中国 pic.twitter.com/gsN9GLn60E

— Qingfeng coming again and again (@AndQingfeng) February 5, 2023 >