આજકાલની ખરાબ લાઇફસ્ટાઈલના કારણે શરીરમાં અનેક ગંભીર બીમારીઓ છે, જેમાં ડાયાબિટીસ સૌથી વધુ ફેલાઈ રહ્યો છે. ધ લેન્સેટ ડાયાબિટીસ એન્ડ એન્ડોક્રિનોલોજી જર્નલનો નવો રિપોર્ટ જણાવે છે કે ભારતમાં 10 કરોડથી વધુ લોકો ડાયાબિટીસનો શિકાર બન્યા છે. વર્ષ 2019માં આ આંકડો 7 કરોડની નજીક હતો. સાથે જ પ્રી-ડાયાબિટીસથી પીડિત લોકોના આંકડા પણ આશ્ચર્યજનક છે. આવી સ્થિતિમાં, જો તમે હજુ પણ તમારા સ્વાસ્થ્યનું ધ્યાન નહીં રાખ્યું તો તમે ક્યારે પ્રી-ડાયાબિટીસમાંથી ડાયાબિટીસના કાયમી શિકાર બની જશો તે ખબર પણ નહીં પડે.
અહીં અમે તમને બતાવી રહ્યા છીએ કે તમારી લાઇફસ્ટાઈલમાં કયા ફેરફાર કરીને તમે તમારી પ્રી-ડાયાબિટીસને(how cure pre-diabetes) ઠીક કરી શકો છો.
પ્રી-ડાયાબિટીસથી કેવી રીતે બચવુ ? (how to prevent pre diabetes)
- પ્રી-ડાયાબિટીસથી પીડિત લોકોએ તેમના વજન પર નિયંત્રણ રાખવું જોઈએ. આ માટે તેમણે પોતાની દિનચર્યામાં ઓછામાં ઓછી 30 મિનિટની કસરતનો સમાવેશ કરવો જોઈએ.
- ધૂમ્રપાન કરનારાઓને ડાયાબિટીસ થવાનું જોખમ વધી જાય છે. આવી સ્થિતિમાં, જો તમે પ્રી-ડાયાબિટીસનો શિકાર બની ગયા છો, તો આજે જ ધૂમ્રપાન કરવાનું બંધ કરો. ધૂમ્રપાન કરવાથી શરીરમાં બળતરા વધે છે, જે ઇન્સ્યુલિનની કામગીરીને અસર કરે છે.
- સ્વસ્થ શરીર માટે દરેક વ્યક્તિએ ઓછામાં ઓછી 7 થી 8 કલાકની ઊંઘ લેવી જોઈએ, જેના કારણે બ્લડ સુગર લેવલ સામાન્ય રહે છે. જો તમે ઓછી ઊંઘ લો છો તો તેનાથી પ્રી ડાયાબિટીસ અને ડાયાબિટીસનું જોખમ વધી જાય છે.
- તમારા ખોરાકમાં ફાઈબરની માત્રામાં વધારો કરો, ફાઈબર બ્લડ સુગર લેવલને સ્થિર રાખવામાં મદદરૂપ છે.
- તમારા દિવસની શરૂઆત મેથીના પાણીથી કરો. તે પ્રી ડાયાબિટીસ ધરાવતા લોકો માટે ફાયદાકારક છે. ઓફિસ જતી વખતે સવારે નાસ્તો અને લંચ ઘરેથી જ લેવાનું ધ્યાન રાખો. બહારનો ખોરાક ખાવાનું ટાળો.