સવારે ખાલી પેટ જામફળ ખાવુ જોઈએ કે નહી, જાણો તેનાથી ફાયદો થશે કે નુકશાન ?

Guava Empty Stomach હાલ જામફળની સિઝન છે, તમારે દિવસમાં 1-2 જામફળ ખાવા જ જોઈએ. જામફળમાં વિટામિન સી ભરપૂર માત્રામાં હોય છે. એવું કહેવાય છે કે મોસમી જામફળ સફરજન કરતાં વધુ પૌષ્ટિક હોય છે. જામફળ પાચનક્રિયા સુધારે છે અને કબજિયાત જેવી સમસ્યા દૂર કરે છે. જામફળ ખાવાથી વજન ઘટે છે.

જામફળમાં રહેલા વિટામિન્સ અને પોષક તત્વો

જામફળમાં વિટામિન સી, વિટામિન બી6, વિટામિન એ, મેગ્નેશિયમ, પ્રોટીન, કાર્બોહાઇડ્રેટ, ફોસ્ફરસ, કેલ્શિયમ અને આયર્ન હોય છે. જામફળ ડાયેટરી ફાઈબરથી ભરપૂર હોય છે અને તેમાં પોટેશિયમ સારી માત્રામાં હોય છે. આ પોષક તત્વોથી ભરપૂર જામફળ ખાવાથી શરીરને ઘણા ફાયદા થાય છે.

 સવારે ખાલી પેટ જામફળ ખાવુ કે નહી ?

જામફળ ખાવાનો સાચો સમય સવારના નાસ્તા પછી અને લંચ પહેલાનો છે. જો તમે સવારે ફળો ખાઓ છો તો તેમાં જામફળનો સમાવેશ કરી શકો છો. જો કે, કેટલાક લોકો જો સવારે ખાલી પેટે જામફળ ખાય તો પેટમાં દુખાવો થઈ શકે છે કારણ કે જામફળના બીજ પચવામાં લાંબો સમય લે છે. જો તમને શરદી હોય તો સવારે ખાલી પેટે જામફળ ખાવાનું ટાળો. જામફળનું સેવન રાત્રે ન કરવું જોઈએ. રાત્રે ઠંડા ફળો ખાવાથી શરદી અને ઉધરસ જેવી સમસ્યા થઈ શકે છે.

જામફળ ખાવાના ફાયદા

જામફળ ખાવાથી વજન ઘટે છે. તમે તેને તમારા વજન ઘટાડવાના આહારમાં સામેલ કરી શકો છો. જામફળ ખાવાથી જૂની કબજિયાત મટે છે. જે લોકોને પેટમાં બળતરાની સમસ્યા હોય તેઓ જામફળ ખાઈ શકે છે. જામફળ ખાવાથી પાચનક્રિયા સુધરે છે. તેનાથી પાચનક્રિયા સુધરે છે.