આજે સવારે 11 વાગ્યે નાણાં પ્રધાન નિર્મલા સીતારમણ સંસદમાં નાણાકીય વર્ષ 2021-22 માટેનું સામાન્ય બજેટ રજૂ કરશે. નિર્મલા સીતારમણનું આ ત્રીજુ બજેટ દેશના અર્થતંત્ર માટે ખૂબ મહત્વનું છે. બજેટ શેર બજારની વધુ યાત્રા માટેની દિશા પ્રદાન કરશે. સામાન્ય લોકોની સાથે રોકાણકારોની નજર પણ આ બજેટ પર છે.
ડૉલર સામે રૂપિયો પણ વધ્યો
સ્થાનિક ઇક્વિટી માર્કેટમાં યુનિયન બજેટ 2021 પહેલા ખરીદી જોવા મળી હતી. ભારતીય રૂપિયો આજે ડૉલર સામે આઠ પૈસાના વધારા સાથે 72.87 ના સ્તરે ખુલ્યો છે. પાછલા કારોબારી દિવસે એટલે કે શુક્રવારે રૂપિયો 72.95 ના સ્તરે બંધ રહ્યો હતો. ગુરુવારે, તે 73.04 પર હતો.