ધનતેરસ પર સોનુ ખરીદવાના સોનેરી તક, તહેવારથી ઠીક એક દિવસ પહેલા સસ્તુ થયુ ગોલ્ડ

Gold Rate today -  ધનતેરસ પહેલા સારા સમાચાર આવ્યા છે. 28 ઓક્ટોબરે સોનાના ભાવમાં ઘટાડો થયો હતો. 29 ઓક્ટોબરે ધનતેરસ છે. હવે ધનતેરસ પર સોનાના આભૂષણો કે સિક્કા ખરીદવા માટે ગ્રાહકોને વધુ પૈસા ચૂકવવા પડશે નહીં.

ધનતેરસ અને દિવાળી પર સોનું ખરીદવું શુભ માનવામાં આવે છે. દાયકાઓથી લોકો બંને પ્રસંગોએ સોનું ખરીદતા આવ્યા છે. 28 ઓક્ટોબરે સ્પોટ ગોલ્ડ 0.5 ટકા ઘટીને $2,733.01 પ્રતિ ઔંસ પર હતું. સોનાનો વાયદો પણ 0.3 ટકા ઘટીને $2,745.5 પ્રતિ ઔંસ પર હતો.

ભારતમાં સોનાની કિંમત

ભારતમાં 24 કેરેટ સોનાની કિંમત 80,430 રૂપિયા પ્રતિ 10 ગ્રામ હતી. 22 કેરેટ સોનાની કિંમત 73,740 રૂપિયા પ્રતિ 10 ગ્રામ હતી. સોનાના દાગીના બનાવવા માટે 22 કેરેટ સોનાનો ઉપયોગ થાય છે. ડૉલરની મજબૂતીથી સોનાના ભાવ પર અસર થઈ છે. ઓક્ટોબરમાં ડૉલર ઇન્ડેક્સ 0.2 ટકા વધ્યો હતો. એપ્રિલ પછીના એક મહિનામાં ગોલ્ડ ઇન્ડેક્સમાં આ સૌથી વધુ મજબૂતાઈ છે. ડૉલરની મજબૂતી સોનાના ભાવ પર અસર કરે છે.