BOI Recruitment 2024: બેંક ઓફ ઈન્ડિયાએ 143 જગ્યાઓ માટે અરજીઓ આમંત્રિત કરી છે. આ ભરતીઓ ક્રેડિટ ઓફિસર, ચીફ મેનેજર, લો ઓફિસર માટે સહિત અન્ય ઘણી પોસ્ટ પર ચાલી રહી છે. રસ ધરાવતા ઉમેદવારો સત્તાવાર વેબસાઇટની મુલાકાત લઈને ઑનલાઇન અરજી કરી શકે છે. અરજીની પ્રક્રિયા 28 માર્ચથી શરૂ થઈ ગઈ છે. અરજીની છેલ્લી તારીખ 10 એપ્રિલ, 2024 નક્કી કરવામાં આવી છે.
અરજી કરવા માટે, SC/ST/PWD કેટેગરીના અરજદારોએ 175 રૂપિયાની ફી ચૂકવવી પડશે, જ્યારે બિનઅનામત અને અન્ય શ્રેણીના ઉમેદવારો માટે, ફી 850 રૂપિયા છે.
તમને જણાવી દઈએ કે બેંક ઓફ ઈન્ડિયા ભરતીની પસંદગી પ્રક્રિયામાં બે તબક્કાઓ, ઓનલાઈન પરીક્ષા અને ઈન્ટરવ્યુનો સમાવેશ થાય છે. પરીક્ષામાં અંગ્રેજી, જનરલ અવેરનેસ અને પ્રોફેશનલ નોલેજમાંથી પ્રશ્નો પૂછવામાં આવે છે.
ઓનલાઈન પરીક્ષા પાસ કરનાર ઉમેદવારોને ઈન્ટરવ્યુ માટે બોલાવવામાં આવશે. તે પછી બેંક ઓફ ઈન્ડિયામાં પસંદગીના ઉમેદવારોની અંતિમ મેરિટ યાદી તૈયાર કરવામાં આવશે.