આગામી થોડાક દિવસોમાં પેટ્રોલના ભાવોમાં ઘટાડો થઈ શકે છે. પેટ્રોલિયમ અને પ્રાકૃતિક ગેસ મંત્રી વીરપ્પા મોઈલીએ શુક્રવારે સંકેત આપ્યો. જો આવુ થાય છે તો આ છેલ્લા પાંચ મહિનામાં પહેલીવાર કપાત થશે.
આ મહિનાનાં અંતમાં પેટ્રોલની કિંમતમાં ઘટાડો સંભવ છે. કારણ કે પેટ્રોલિયમ પેદાશોનાં મુલ્યની સમિક્ષા ઑઇલ કંપનીઓ પખવાડિયાનાં અંતે કરે છે. સાથે જ અમેરિકન ડૉલરની સરખામણીમાં રૂપિયો મજબૂત થયો છે.
વીરપ્પા મોઇલીએ કહ્યુ કે આંતરરાષ્ટ્રીય માર્કેટમાં રૂપિયાની સ્થિતી મજબૂત થવાથી જે લાભ થશે, તે ગ્રાહકોને આપવામાં આવશે.
છેલ્લે 1મે 2013નાં રોજ પેટ્રોલની કિંમતમાં 3 રૂપિયાનો ઘટાડો કરવામાં આવ્યો હતો. ત્યારબાદ પેટ્રોલની કિંમતમાં 7 વાર વધારો થયો છે. જે કુલ રૂ. 10.80 રૂપિયાનો વધારો હતો. જેમાં વેટનું મુલ્ય જોડવામાં નથી આવ્યુ.