લવ ટિપ્સ : શુ તમે એક સફળ જીવનસંગિની બનવા માંગો છો ?

P.R

દરેક મહિલા ભલે તે લવ મેરેજ કરે કે એરેંજ મેરેજ તેની ઈચ્છા એક સક્સેસફુલ જીવનસાથી બનવાની જરૂર હોય છે. તે એક સફળ પત્ની બને. તેનો પતિ હંમેશા તેનાથી ખુશ રહે. સારી પત્ની બનવાની અનેક તરકીબો લોકપ્રિય છે. આવી કેટલીક રીતો વ્યક્તિગત સમજ પર આધારિત હોય છે તો કેટલાક પ્રકારો પરંપરાગત હોય છે. અહીં તમને સારી પત્ની બનવા માટેના કેટલાંક એવા પ્રકારો જણાવી રહ્યા છીએ જે લગભગ સહુ પર લાગુ પડે છે. સારી પત્ની બનવા માટે તમારે કેટલીક સારી અને મહત્વપૂર્ણ વાતોનું ધ્યાન રાખવું પડશે. જેમ કે, ...

- જો તમે તમારા પતિને બદલવા ઇચ્છતા હોવ કે તેની ટેવોમાં પરિવર્તન લાવવાનું વિચારતા હોવ તો આ વાત તમારા મગજમાંથી બને તેટલી જલ્દી કાઢી નાંખો. તમે તમારા પતિને એ જ સ્થિતિમાં સ્વીકારી લો જેવા તે સ્વાભાવિકરૂપે છે, તેનામાં કોઇ પરિવર્તન લાવવાના પ્રયાસો ન કરશો.

- તમે તમારા પતિમાં કોઇ સુધારા લાવવાને બદલે તમારી જાત પર ફોકસ કરો. એટલે કે તમારામાં કોઈ ખોટી ટેવો કે કોઇ નાકારાત્મક બાબતો હોય તો તેને બદલી નાંખો.

- સારી પત્ની બનવા માટે જરૂરી છે સેક્રિફાઇઝ કરવાની. એટલે કે વાસ્તવમાં સારા બનવા ઇચ્છો છો તો તમારી એ ટેવોમાં બદલાવ લાવો જેનાથી બીજાને નુકસાન પહોંચે છે કે કોઇ દુખી થાય છે. જેમ કે તમારો ક્રોધ...

- તમારા પતિની જરૂરિયાતોનું ખાસ ધ્યાન રાખો. તમારા પતિના સપનાને સાકાર કરવામાં તેને સંપૂર્ણ મદદ કરો અને જાણો કે તેના સપના શું છે, તેની ઇચ્છાઓ શું છે.

- જો તમે ખરેખર એક સારી પત્ની બનવાનું સપનું જોતા હોવ તો તમારા પતિની હકારાત્મક બાબતોનું ધ્યાન રાખો. પતિની સારી વાતો પર વધારે ફોકસ કરો.

- સારી પત્ની બનવું એક સારી નોકરી મેળવવા જેવું જ છે. આવામાં તમારે સખત મહેનત અને પતિને સંતુષ્ટ કરવાની જરૂર હોય છે. તમારે એ દરેક કામ પર ફોકસ કરવું જોઇએ જેનાથી પતિને આનંદ મળતો હોય.

- ઘરનો માહોલ એવો બનાવો જે માત્ર તમારા માટે જ નહીં પણ તમારા પતિ માટે પણ આરામદાયક અને સુરક્ષિત હોય.

- તમે કોઇ એવું કામ ન કરો જેનાથી તમારે શરમમાં મૂકાવું પડે. તમે એવું કાર્ય કરો જેનાથી તેમને તમારા પર ગર્વ થાય.

- તમે તમારી હકારાત્મક બાબતો પર વધુ ધ્યાન આપો અને તેને વધુ ને વધુ વિકસિત કરો જેનાથી તમે એક સારી પત્ની સાબિત થઇ શકો.

- જરૂરી નથી કે એક સારી પત્ની બનવા માટે તમારે તમારી જાતને, તમારી ઇચ્છાઓને ભૂલી જાવ. પણ તમારે તમને પોતાને પણ એટલું જ મહત્વ આપવું જેટલું તમે તમારા પતિને આપી રહ્યા છો. તમે એ બાબતો પર બિલકુલ ધ્યાન ન આપો કે કોઇ બીજું તમને શું કહી રહ્યું છે.


સૌજન્ય - જીએનએસ