ગુજરાત આપ પ્રમુખ વધુ એક વિવાદિત વિડીયો સામે આવ્યો, હવે પીએમની માતાને કહ્યા અપશબ્દો

ગુજરાતમાં આમ આદમી પાર્ટીના અધ્યક્ષ ગોપાલ ઈટાલિયાના નિવેદનને લઈને ચાલી રહેલા વિવાદ વચ્ચે તેમનો વધુ એક વીડિયો સામે આવ્યો છે. પીએમ મોદી પર વિવાદિત નિવેદન આપ્યા બાદ ગુરુવારે થોડા સમય માટે દિલ્હી પોલીસની કસ્ટડીમાં રહેલા ગોપાલ ઈટાલિયાએ પણ પીએમ મોદીની માતા વિશે વિવાદાસ્પદ ટિપ્પણી કરી છે. ઇટાલિયાએ ફરી એકવાર આ વીડિયોમાં પીએમ મોદી માટે અપશબ્દોનો ઉપયોગ કર્યો છે, સાથે તેમની માતા હીરાબેનને પણ અપશબ્દો બોલ્યા છે. બીજેપી નેતા અમિત માલવિયાએ આ વીડિયો શેર કર્યો છે.

માલવિયાએ ગોપાલ ઈટાલિયાનો નવો વીડિયો શેર કર્યો અને લખ્યું કે, AAP ચીફ અને કેજરીવાલના નજીકના મિત્ર ગોપાલ ઈટાલિયા એક પછી એક ગુનો કરે છે અને ગુજરાતની મહિલાઓનું અપમાન કરે છે. મહિલાઓને 'સી' શબ્દથી સંબોધ્યા બાદ હવે તેણે મંદિરમાં જનારાઓનું અપમાન કરીને પીએમની વૃદ્ધ માતા માટે અભદ્ર ભાષાનો ઉપયોગ કર્યો છે. આ વીડિયોમાં ગોપાલ ઇટાલિયા પીએમ મોદી માટે વાંધાજનક ભાષા બોલીને તેમની માતાને નાટકબાજ કહી રહ્યા છે.