Friendship Day 2024 - ફ્રેન્ડશીપ ડે શા માટે ઉજવવામાં આવે છે? કારણ, ઇતિહાસ અને મહત્વ જાણો છો?

Friendship Day 2024- પરિવાર અને જીવનસાથી પછી, જીવનમાં જો કોઈ સંબંધ મહત્વપૂર્ણ સ્થાન ધરાવે છે, તો તે મિત્રનું છે. વાસ્તવમાં મિત્રો જ આપણા સુખ-દુઃખમાં સાચા સાથી છે. લોહીનો સંબંધ ન હોવા છતાં, આ બંધન એટલું મજબૂત છે કે લોકો તેમના હૃદય સાથે જોડાઈ જાય છે. મિત્રતાના બંધનને કાયમ જાળવી રાખવા અને ઉજવવા માટે દર વર્ષે ફ્રેન્ડશિપ ડે ખૂબ જ ઉત્સાહ સાથે ઉજવવામાં આવે છે. આ ખાસ દિવસ આ વર્ષે 4 ઓગસ્ટે ઉજવવામાં આવશે. તમને જણાવી દઈએ કે, ભારતમાં તે પરંપરાગત રીતે ઓગસ્ટના પહેલા રવિવારે ઉજવવામાં આવે છે. તેથી તેની તારીખ દર વર્ષે બદલાય છે. આ બધા સિવાય આજે અમે તમને જણાવીએ કે દર વર્ષે ફ્રેન્ડશિપ ડે મનાવવા માટે ઓગસ્ટ મહિનાનો પહેલો રવિવાર કેમ પસંદ કરવામાં આવ્યો અને તેની શરૂઆત ક્યારે થઈ.

ફ્રેન્ડશીપ ડે બે રીતે ઉજવવામાં આવે છે: રાષ્ટ્રીય અને આંતરરાષ્ટ્રીય. તે જુદા જુદા દેશોમાં જુદા જુદા દિવસે ઉજવવામાં આવે છે. ભારતમાં દર વર્ષે ઓગસ્ટના પહેલા રવિવારે ફ્રેન્ડશિપ ડે ઉજવવામાં આવે છે, જે આ વર્ષે 4 ઓગસ્ટ 2024ના રોજ છે. જાણકારી માટે તમને જણાવી દઈએ કે ભારતની જેમ મલેશિયા, યુનાઈટેડ સ્ટેટ્સ ઓફ અમેરિકા, યુનાઈટેડ આરબ અમીરાત અને બાંગ્લાદેશ જેવા દેશોમાં પણ ઓગસ્ટના પહેલા રવિવારે ફ્રેન્ડશીપ ડે ખૂબ જ ધામધૂમથી ઉજવવામાં આવે છે. તે જ સમયે, આંતરરાષ્ટ્રીય સ્તરે તે 30 જુલાઈ ના રોજ ઉજવવામાં આવે છે.

ફ્રેડશીપ ડે નુ ઈતિહાસ 

ફ્રેડશીપ ડેને ઘણા વર્ષેથી ઉજવાઈ રહ્યો છે. તમને જણાવીએ કે પહેલીવાર ફ્રેડશિપ ડે વર્ષ 1958માં ઉજવાયો હતો. હકીકતમાં પરાગ્વે 30 જુલાઈ 1958ના રોજ આંતરરાષ્ટ્રીય મિત્રતા દિવસની ઉજવણીનો પ્રસ્તાવ રજૂ કર્યુ હતુ. ઉપરાંત, યુનાઈટેડ નેશન્સે વર્ષ 2011માં સત્તાવાર રીતે 30 જુલાઈને આંતરરાષ્ટ્રીય મિત્રતા દિવસ તરીકે જાહેર કર્યો હતો. તેથી, દર વર્ષે આ દિવસે આંતરરાષ્ટ્રીય મિત્રતા દિવસની ઉજવણી કરાય  છે, પરંતુ ભારત સહિત ઘણા દેશોમાં, ઓગસ્ટ મહિનાના પહેલા રવિવારે ફ્રેન્ડશિપ ડે ઉજવાય છે.

ફ્રેન્ડશીપ ડેનું મહત્વ

મિત્રતા દિવસ આપણા જીવનમાં મિત્રતાના મહત્વને દર્શાવે છે, કારણ કે તે મિત્રો છે જે હંમેશા દરેક પરિસ્થિતિમાં સાથે રહે છે. સાચા મિત્રો ફક્ત આપણી જીતની જ ઉજવણી કરતા નથી, પરંતુ તેઓ આપણા મુશ્કેલ સમયમાં પણ આપણું સમર્થન કરે છે. મિત્રતા એક એવો અનોખો સંબંધ છે જેમાં દેખાવ, પૈસા, સુંદરતા વગેરેને કોઈ લેવાદેવા નથી. તેથી, ફ્રેન્ડશિપ ડેના અવસર પર, તમે તમારા મિત્રો સાથે આ દિવસને ખાસ અને યાદગાર બનાવી શકો છો.

Edited By- Monica sahu