Video: કાર પાર્કિંગના વિવાદમાં દુકાનદારને મારી ગોળી, અત્યાર સુધી 4ના મોત

-  દુકાનની સામે કાર પાર્ક કરવાને લઈને વિવાદ
- દુકાનમાં બેઠેલા એક વ્યક્તિનું ગોળી વાગવાથી મોત
- સ્થાનિક લોકો દ્વારા માર મારવાને કારણે કારમાં સવાર બે લોકોના મોત

નબીનગર પોલીસ સ્ટેશન વિસ્તારના તેતરિયા વળાંક પર એક દુકાનની સામે કાર પાર્ક કરવાને લઈને મોટો વિવાદ થયો છે. અહીં કાર સવારે વિવાદ બાદ દુકાનદાર પર ગોળીબાર કર્યો હતો. ગોળી દુકાનદારને વાગી ન હતી, પરંતુ દુકાનમાં બેઠેલા એક વ્યક્તિનું ગોળી વાગવાથી મોત થયું હતું. આ ઘટના બાદ સ્થાનિક લોકો રોષે ભરાયા હતા. સ્થાનિક લોકોએ કાર સવારોને કારમાંથી બહાર કાઢીને માર મારવાનું શરૂ કર્યું હતું. આ સમગ્ર ઘટનામાં કારમાં સવાર ત્રણ લોકોના પણ મોત થયા છે, જ્યારે બેની સારવાર ચાલી રહી છે. આ સમગ્ર મામલામાં કુલ 4 લોકોના મોત થયા છે.
<

#WATCH | Aurangabad, Bihar: On four people dying due to a parking dispute, CDPO Aurangabad, Enul Haq says, "... Parking a car outside a shop led to a scuffle between the driver and the shop owner. One person sitting inside the car took out his pistol and fired at the shopkeeper.… pic.twitter.com/WpchHcRyfT

— ANI (@ANI) January 15, 2024 >

કાર હટાવવા બાબતે શરૂ થયો વિવાદ  

સમગ્ર મામલો નબીનગરના તેતરીયા વળાંક પાસેનો છે. અહીં એક હોટલની સામે પાર્ક કરેલી કારને બાજુમાં લેવા બાબતે વિવાદ થયો હતો. નજીવી તકરારમાં ગુસ્સે ભરાયેલા કાર સવારે દુકાનદાર પર ગોળીબાર કર્યો હતો. દુકાનમાં બેઠેલા અન્ય એક વ્યક્તિને આ ગોળી વાગી હતી, જેના કારણે તેનું ઘટનાસ્થળે જ મોત થયું હતું. હત્યાની આ ઘટના બાદ ત્યાં હાજર સ્થાનિક લોકો રોષે ભરાયા હતા. ત્યાં હાજર નજીકના લોકોએ કારમાંથી બધાને બહાર કાઢ્યા. આ પછી બધાએ મળીને કારમાં સવાર યુવકને માર મારવાનું શરૂ કર્યું.

સ્થાનિક લોકોએ કાર સવારોને ધોયા

સ્થાનિક લોકો દ્વારા માર મારવાને કારણે કારમાં સવાર બે લોકોના ઘટનાસ્થળે જ મોત થયા હતા, જ્યારે એકનું સારવાર દરમિયાન મોત થયું હતું. કારમાં મુસાફરી કરી રહેલા મૃતકોની ઓળખ મોહમ્મદ અરમાન, મોહમ્મદ અંજાર અને મોહમ્મદ મુજાહિદ તરીકે થઈ છે, જેઓ હૈદર નગર, પલામુના રહેવાસી છે, જ્યારે દુકાનમાં બેઠેલા વ્યક્તિની ઓળખ રામાશ્રય ચૌહાણ તરીકે થઈ છે. આ અકસ્માતમાં ઘાયલ થયેલા મોહમ્મદ વકીલ અને અજીત શર્માને સારવાર આપવામાં આવી રહી છે. એવું કહેવાય છે કે પલામુના હૈદર નગરના પાંચ લોકો સાસારામમાં શેરશાહ સૂરી મકબરાના દર્શન કરવા કારમાં જઈ રહ્યા હતા. દરમિયાન તેતરિયા વળાંક પાસે કારને સાઈડમાં પાર્ક કરવાને લઈને વિવાદ થયો હતો, જે બાદ આ સમગ્ર ઘટના બની હતી