શ્રીલંકાના કેપ્ટન દિનેશ ચાંદીમલે ફરી ટોસ જીત્યો હતો અને ભારતને પહેલા બેટિંગ કરવાનું આમંત્રણ આપ્યું હતું.
ભારતે શિખર ધવનના 25-બોલમાં 51 રનના મુખ્ય યોગદાનની મદદથી 20 ઓવરમાં 6 વિકેટે 196 રન કર્યા હતા. તેના જવાબમાં શ્રીલંકાની ટીમ 20 ઓવરમાં 9 વિકેટે માત્ર 127 રન જ કરી શકી હતી.
ભારતના દાવમાં શ્રીલંકાના મધ્યમ ઝડપી બોલર થિસારા પરેરાએ ઝડપેલી હેટ-ટ્રિક વિશેષતા બની રહી હતી. પરેરાએ લગાતાર ત્રણ બોલમાં હાર્દિક પંડ્યા, સુરેશ રૈના અને યૂવરાજ સિંહની વિકેટ ઝડપી હતી. ટ્વેન્ટી-20 ઈન્ટરનેશનલ્સમાં હેટ-ટ્રિક ઝડપનાર પરેરા ચોથો બોલર બન્યો છે.