WPL Auction: ભારતીય મહિલા ક્રિકેટ ટીમે T20 વર્લ્ડ કપની પોતાની પ્રથમ મેચમાં પાકિસ્તાનને 7 વિકેટે હરાવ્યું હતું. આ જીતમાં જેમિમા રોડ્રિગ્સ, રિશા ઘોષ, શેફાલી વર્મા અને હરમનપ્રીતે યોગદાન આપ્યું હતું. હવે આ જીત બાદ તરત જ ભારતમાં 13મી ફેબ્રુઆરીએ મહિલા પ્રીમિયર લીગની હરાજી યોજાવા જઈ રહી છે આવી સ્થિતિમાં ઘણા ભારતીય ખેલાડીઓને હરાજીમાં ઘણા પૈસા મળવાના છે. અમારા આ રીપોર્ટમાં અમે તમને આવા જ કેટલાક ખેલાડીઓ વિશે જણાવી રહ્યા છે.
પાંચ ટીમોમાં ખેલાડીઓની જંગ
પાંચ ટીમો - મુંબઈ ઈન્ડિયન્સ, દિલ્હી કેપિટલ્સ, આરસીબી, ગુજરાત જાયન્ટ્સ અને યુપી વોરિયર્સ - 409 ખેલાડીઓની યાદીમાંથી 90 ખેલાડીઓ માટે બોલી લાગશે. પ્રથમ વર્ષ માટે, દરેક ટીમ પાસે 12 કરોડ રૂપિયાનું 'સેલરી પર્સ' (મર્યાદિત રકમ) હશે અને 18 ખેલાડીઓની ટીમમાં 6 વિદેશી ખેલાડીઓનો સમાવેશ થશે. આ સાથે, 60 ભારતીયોમાંથી ઓછામાં ઓછા 20 થી 25 ખેલાડીઓ સારી નીલામીમાં વેચાય તેવી અપેક્ષા છે. બેઝ પ્રાઇસ પાંચ બ્રેકેટસ'માં હશે જેમાં સૌથી ઓછી રૂ. 10 લાખ અને સૌથી વધુ રૂ. 50 લાખ હશે. અન્ય બ્રેકેટસ રૂ. 20, 30 અને 40 લાખ હશે. વર્તમાન ભારતીય ટીમ ઉપરાંત ઓસ્ટ્રેલિયા, ઈંગ્લેન્ડ, ન્યુઝીલેન્ડ અને દક્ષિણ આફ્રિકાના સભ્યોની હરાજીમાં વધુ માંગ રહેશે તેવી અપેક્ષા છે. જો ફ્રેન્ચાઇઝી સાથે સંકળાયેલા કેટલાક અધિકારીઓનું માનીએ તો સ્મૃતિ, શેફાલી, હરમનપ્રીત અને ઓલરાઉન્ડર દીપ્તિ શર્મા રૂ. 1.25 કરોડથી રૂ. 2 કરોડની વચ્ચેની કમાણી કરી શકે છે.
ઋચા ઘોષ પર નજર
બિગ હિટર ઋચા ઘોષ અને ફાસ્ટ બોલર રેણુકા ઠાકુર પણ બિડર્સ તરફથી ઘણો રસ આકર્ષિત કરશે. રાજેશ્વરી ગાયકવાડ અને રાધા યાદવ જેવા સ્પિનરો અને મેઘના સિંહ અને શિખા પાંડે જેવા ફાસ્ટ બોલરો સાથે પણ કંઈક આવું જ થશે. જેમિમાહ રોડ્રિગ્સ, જેણે વિદેશી T20 લીગમાં સારો દેખાવ કર્યો છે, તે પણ હરાજીમાં યોગ્ય રકમ મેળવી શકે છે. અનકેપ્ડ ભારતીય ખેલાડીઓની શ્રેણીમાં કાશ્મીરની જસિયા અખ્તર અને રેલવેની સ્વાગતિકા રથ મુખ્ય નામ છે. અંડર-18 વર્લ્ડ કપ વિજેતા મહિલા ટીમમાંથી બેટ્સમેન શ્વેતા સેહરાવત, સ્પિનર પાર્શ્વી ચોપરા, મન્નત કશ્યપ અને અર્ચના દેવી, ફાસ્ટ બોલર તિતાસ સાધુ સાથે પણ સારી રકમમાં વેચાય તેવી અપેક્ષા છે.
પાંચેય ફ્રેન્ચાઈઝી શ્રેષ્ઠ કેપ્ટન પર નજર રાખશે અને સ્મૃતિ અને હરમનપ્રીત સિવાય અન્ય ઉમેદવારોમાં અનુભવી મેગ લેનિંગ, ઈંગ્લેન્ડની સુકાની હીથર નાઈટ અને ન્યુઝીલેન્ડની સુકાની સોફી ડેવાઈનનો સમાવેશ થાય છે. આમાં, ખેલાડીઓને ખરીદવા માટે ઓછામાં ઓછી રકમ 9 કરોડ ખર્ચવા પડશે, જ્યારે ટીમમાં ફરજિયાત સભ્યોની સંખ્યા 15 હશે અને વધુમાં વધુ 18 ખેલાડીઓ રાખી શકાશે. ટીમમાં વધુમાં વધુ 12 ભારતીય અને વધુમાં વધુ છ વિદેશી ખેલાડીઓ હોઈ શકે છે. આ હરાજીમાં 246 ભારતીય અને 155 વિદેશી ખેલાડીઓ ભાગ લેશે.