ICC ODI Rankings: વિરાટ કોહલીનો નબર 1 નો તાજ મેળવીને ડેરિલ મિશેલે રચ્યો ઈતિહાસ, બન્યા દુનિયાના સર્વશ્રેષ્ઠ બેટ્સમેન

Joseph Mitchell

Latest ODI Rankings : ICC ની તાજેતરની ODI બેટિંગ રેન્કિંગ જાહેર કરવામાં આવી છે. ન્યુઝીલેન્ડના ડેરિલ મિશેલ વિરાટ કોહલીને પાછળ છોડીને ICC ODI રેન્કિંગમાં નંબર વન બેટ્સમેન બન્યા છે. ભારત સામેની ODI શ્રેણીમાં મિશેલના શાનદાર પ્રદર્શન, ત્રણ મેચની ODI શ્રેણીમાં 352 રન બનાવવાથી તે નંબર વન સ્થાન મેળવ્યું છે. મિશેલ 845 ના રેટિંગ સાથે નંબર વન સ્થાન પર પહોંચી ગયો છે, જ્યારે વિરાટ કોહલી હાલમાં 795 ના રેટિંગ સાથે નંબર બે સ્થાન પર છે. આનો અર્થ એ થયો કે મિશેલ કોહલીથી 50 રેટિંગ પોઈન્ટ આગળ છે.

ICC ODI રેન્કિંગમાં ઇબ્રાહિમ ઝદરાન ત્રીજા ક્રમે છે, જ્યારે ભારતનો રોહિત શર્મા ચોથા ક્રમે છે. રોહિત શર્મા એક સ્થાન નીચે ગયો છે. રોહિતનું રેટિંગ 757 છે. શુભમન ગિલ 5મા ક્રમે છે, જ્યારે બાબર આઝમ 6ઠ્ઠા ક્રમે છે. આયર્લેન્ડનો હેરી ટેક્ટર હાલમાં ICC ODI રેન્કિંગમાં 7મા ક્રમે છે. શાઈ હોપ હાલમાં 8મા ક્રમે છે અને શ્રીલંકાના ચારિત્ર અસલંકા 9મા ક્રમે છે. કેએલ રાહુલ બેટિંગ રેન્કિંગમાં 10મા ક્રમે છે.

ડેરિલ મિશેલે રચ્યો ઈતિહાસ 

ઉલ્લેખનીય છે કે ડેરિલ મિશેલે પોતાની ODI કરીયરમાં પહેલી વાર 845 રેટિંગ મેળવ્યું છે. મિશેલે ભારત સામેની ODI શ્રેણીમાં શાનદાર બેટિંગ કરી હતી, જેમાં તેણે બે સદી ફટકારી હતી. તેને પ્લેયર ઓફ ધ મેચ અને પ્લેયર ઓફ ધ સિરીઝનો એવોર્ડ મળ્યો હતો. મિશેલે પોતાની ODI કારકિર્દીમાં અત્યાર સુધી નવ સદી ફટકારી છે. મિશેલે પોતાની ODI કારકિર્દીમાં 59 મેચ રમી છે, જેમાં કુલ 2690 રન બનાવ્યા છે, જેમાં 58.47 ની સરેરાશ છે.

ડેરિલ મિશેલ ત્રણ મેચની ODI શ્રેણીમાં સૌથી વધુ રન બનાવવાની યાદીમાં ત્રીજા સ્થાને પહોંચી ગયો છે. આ ફોર્મેટમાં સૌથી વધુ રન બનાવવાનો રેકોર્ડ બાબર આઝમના નામે છે, તેણે 2016 માં વેસ્ટ ઈન્ડિઝ સામે ત્રણ મેચની શ્રેણીમાં 360 રન બનાવ્યા હતા.

ત્રણ મેચની ODI દ્વિપક્ષીય શ્રેણીમાં સૌથી વધુ રન

360 - બાબર આઝમ વિરુદ્ધ WI, 2016

360 - શુભમન ગિલ વિરુદ્ધ NZ, 2023

352 - ડેરિલ મિશેલ વિરુદ્ધ IND, 2026

349 - ઇમરુલ કાયેસ વિરુદ્ધ ZIM, 2028

346 - નિસાન્કા વિરુદ્ધ AFG, 2024