આરોપ છે કે સના એક નાબાલિક છોકરીનુ અપહરણ કરવાનો પ્રયત્ન કર્યો હતો. આ છોકરીએ સનાના કઝિન બ્રધર નાવેદ ખાન સાથે લગ્ન કરવાની ના પાડી દીધી હતી. બિગ બોસ સિઝન 6માં રાજીવ પોલ સાથે પોતાની નિકટતાને લઈને ચર્ચામાં રહેલી મોડલ એક્ટ્રેસ સના ખાન, સલમાન ખનાની આગામી ફિલ્મ મેંટલમાં લીડ રોલ કરી રહી છે. સૂત્રોનુ માનીએ તો સના ફિલ્મના સેટ પરથી ગાયબ છે.
ઉલ્લેખનીય છે કે પોલીસના જણાવ્યા અનુસાર 30 એપ્રિલના રોજ સનાએ તેના પિતરાઇ ભાઇ નાવેદ તથા તેના ભાઇબંધો ક્ષિતિજ, વિસ્મિત અને બીજા એક અન્યની સાથે સનપદા જઇને તે છોકરીના અપહરણ કરવાના હેતુથી તેને જબરજસ્તી પોતાની કારમાં બેસાડવાની કોશિશ કરી હતી. પરંતુ તે છોકરી કોઇ પણ રીતે બચી જતાં તેણે તેની મા સાથે પોલીસમાં રિપોર્ટ લખાવતાં પોલીસે નાવેદ તથા તેના ભાઇબંધોની ધરપકડ કરી હતી પરંતુ સનાને પકડવામાં પોલીસને નિષ્ફળતા મળી હતી.