અત્યાર સુધી તમે એશ્વર્યા રાય બચ્ચન અને અભિષેક બચ્ચનને હંમેશા એક ક્યૂટ કપલ અને પાવર કપલની મિસાલના રૂપમાં જ જોયા હશે. ઈવેંટ હોય કે કારપેટ એંટ્રી બંને સ્ટાર્સની રોમાંટિક કૈમિસ્ટ્રી હંમેશા મીડિયાને આકર્ષિત કરતી આવી છે. પણ હવે કદાચ એશ્વર્યા અને અભિષેક વચ્ચે બધુ જ ઠીક નથી. કારણ કે તાજેતરમાં જ સરબજીતની સ્ક્રીનિંગના પ્રસંગ પર અભિષેક બચ્ચને એશ્વર્યા સાથે અણગમતો વ્યવ્હાર કર્યો.
અભિષેક બચ્ચને એશ્વર્યા સાથે આ પ્રકારના વ્યવ્હારનો વીડિયો સોશિયલ મીડિયા પર ખૂબ વાયરલ થઈ રહ્યો છે. આ વીડિયોને Lehren TV તરફથી યૂટ્યૂબ પર રજુ કરવામાં આવ્યો છે. ઉલ્લેખનીય છે કે સરબજીતની સ્ક્રીનિંગ પર આખુ બચ્ચન ફેમિલી અને એશ્વર્યાના માતા-પિતા અને ભાઈ પણ પહોંચ્યા હતા. રેડ કાર્પેટ અપિયરેંસ દરમિયાન એશ અને અભિષેકને મીડિયા કેમેરામાં કેદ કરવામાં લાગી હતી. ત્યારે એક ઘટના એવી બની જેનાથી મીડિયા તો ચોંકી જ ગયુ અને એશ્વર્યા પણ ઉદાસ થઈ ગઈ. આ અવસર પર અભિષેક એશ્વર્યાને નજરઅંદાજ કરતા જોવા મળ્યા.
જેમ તેમ એશ્વર્યાએ અભિષેકને મીડિયા ફોટોશૂટ કરવા માટે મનાવ્યો પણ આ દરમિયાન અભિષેકનો ચેહરો ઉદાસ જોવા મળ્યો. જે સ્પષ્ટ રૂપે જોઈ શકાય છે. અને અચાનક અભિષેક એશ્વર્યાને એકલી છોડી રેડ કારપેટ પરથી જતા રહ્યા. આ જોઈને એશ્વર્યા પણ નવાઈ પામી અને ઉદાસ થઈ ગઈ. અભિષેકના આ પ્રકારના વ્યવ્હારથી ઉદાસ એશ્વર્યા મીડિયાને થેંક્સ કહેતા નીકળી ગઈ.