દિશા પટાણીની એકટિંગથી પ્રભાવિત સલમાન ખાન

સલમાન ખાન આજકાલ દિશા પટાણીની એકટિંગથી પ્રભાવિત થયો છે. તે અને દિશા હાલ ' ભારત' માં સાથે કામ કરી રહ્યા છે, તેવામાં સલમાને તેને બીજી એક બિગ બજેટની ફિલ્મની ઓફર આપી છે. આ સાંભળીને દિશા આનંદ વિભોર થઇ ગઇ છે. મીડિયા રિપોર્ટના અનુસાર, સલમાન ખાને દિશાને અન્ય એક ફિલ્મની ઓફર આપી છે. જોકે તે કઇ ફિલ્મ છે તેની સ્પષ્ટતા થઇ નથી. 

સલમાન આ વરસે બે બિગ બજેટમાં કામ કરવાનો છે. જેમાંથી એક ' દબંગ' સીરિઝની છે અને તો બીજી ' કિક' ફિલ્મ ચર્ચામાં છે. આ ફિલ્મમાંથી દિશા કઇ ફિલ્મમાં કામ કરવાની છે તે જાણવા મળ્યું નથી. કહેવાય છે કે, સલમાન ખાને ફિલ્મ ' ભારત' માં દિશાના અભિનય અને લગન જોઇને તેને રોલ ઓફર કર્યો છે. આ ફિલ્મમાં દિશાએ ટ્રપીઝ આર્ટિસ્ટની ભૂમિકા નિભાવી છે. અલીઅબ્બાસની આ ફિલ્મમાં ૬૦નો દાયકો દર્શાવામાં આવ્યો છે, જ્યારે સર્કસમાં ટ્રપીઝ આર્ટિસ્ટ જોવા મળતા હતા.