CPL: અંપાયરે વાઈડ ન આપતા પોલાર્ડે કહ્યુ - તમે આંધળા છો શુ ? મેદાન પર મચી બબાલ

ક્રિકેટના મેદાન પર મોટાભાગે કોઈને કોઈ વિચિત્ર હરકતો જોવા મળે છે. અનેકવાર ખેલાડી મેચની વચ્ચે જ પરસ્પર લડી પડે છે અને અનેકવાર આ ખેલાડી સ્ટૈડ્સમાં બેઠેલા ફેંસ સાથે વિવાદમાં ઉતરી જાય છે. પણ ક્યારેક ક્યારે એવુ પણ જઓવા મળે છે કે આ ખેલાડીઓ અંપાયરો સાથે ઝગડી પડે છે. તાજેતરમાં જ બાગ્લાદેશના સ્ટાર ઓલરાઉંડર શાકિબ અલ હસને એક લીગ મેચ દરમિયાન અંપાયર સાથે દુર્વ્યવ્હાર કર્યો. આવો જ એક વધુ મામલો સામે આવ્યો છે. 

અંપાયર સાથે લડી પડ્યો આ ખેલાડી 

કેરેબિયન પ્રીમિયર લીગ હાલમાં વેસ્ટ ઈન્ડિઝમાં રમાઈ રહી છે. આ લીગની 9 મી મેચમાં સેન્ટ લુસિયા કિંગ્સનો સામનો ત્રિનબાગો નાઈટ રાઈડર્સ સાથે થયો હતો. આ મેચમાં નાઈટ રાઈડર્સની ટીમ 27 રનથી જીતી હતી. પરંતુ આ મેચમાં એક ક્ષણ આવી જ્યારે નાઈટ રાઈડર્સના કેપ્ટન કિરોન પોલાર્ડ અમ્પાયર સાથે અથડાયા. વહાબ રિયાઝના એક બોલને અમ્પાયરે વાઈડ ન આપ્યો અને તેના કારણે પોલાર્ડ ગુસ્સે થઈ ગયો.

હકીકતમાં, નાઈટ રાઈડર્સની ઈનિંગની 19 મી ઓવરમાં વહાબ રિયાઝ ફેંકવા આવ્યો હતો અને તેણે પાંચમો બોલ વાઈડની બહાર ફેંક્યો હતો. પરંતુ અમ્પાયરે આ બોલને વાઈડ ન આપ્યો અને પોલાર્ડ આ બાબતે ગુસ્સે થઈ ગયો. પોલાર્ડ નોન-સ્ટ્રાઈક એન્ડમાં હતો અને ટિમ સીફર્ટ બેટિંગ એન્ડમાં હતો. અમ્પાયરે વાહબના બોલને વાઈડ ન આપતા પોલાર્ડે અમ્પાયર સાથે વાત શરૂ કરી, પરંતુ અમ્પાયરે તેમનું સાંભળ્યું નહીં. પછી તેણે પોતાનું સ્થાન છોડી દીધું અને 30 યાર્ડના વર્તુળની રેખાની ખૂબ નજીક ઉભો રહ્યો. આ મેચમાં પ્રથમ બેટિંગ કરતા નાઈટ રાઈડર્સની ટીમે 7 વિકેટે 158 રન બનાવ્યા હતા. સેન્ટ લુસિયા કિંગ્સની ટીમ નિર્ધારિત 20 ઓવરમાં 7 વિકેટે 131 રન જ બનાવી શકી હતી.