Aman Jaiswal Death: ટીવી અભિનેતાનુ 23 વર્ષની વયે મોત, બલિયામાં થશે અંતિમ સંસ્કાર

Aman Jaiswal Death: ટીવી સીરિયલ ધરતીપુત્ર નંદિની ના લીડ એકટર અમન જયસ્વાલનુ માર્ગ અકસ્માતમાં મોત થઈ ગયુ.  આ સીરિયલમાં તેમણે આકાશનુ પાત્ર ભજવ્યુ હતુ.  શૂટિંગ પરથી ઘરે જતી વખત એ એક ટ્રકે તેમની બાઈકને ટક્કર મારી. ગંભીર હાલતમાં તેમને કામા હોસ્પિટલમાં લઈ જવામાં આવ્યો. જ્યા સારવાર દરમિયાન તેમનુ મોત થઈ ગયુ. આ દુર્ઘટના શુક્રવારે બપોરે 3 વાગે જોગેશ્વરી હાઈવે પર થઈ. 

અમન જાયસવાલનો સંબંધ યુપીના બલિયાથી હતો. તે અભિનેતા બનવાનું સપનું લઈને મુંબઈ આવ્યો હતો. પોતાની મહેનતથી તેને આ સપનાને હકીકત બનાવી હતી. જોકે આ માર્ગ અકસ્માતથી નાની ઉંમરમાં જ તેને જીવ ગુમાવવો પડ્યો. અમન માત્ર 23 વર્ષનો જ હતો. વર્ષ 2023માં નજારા TV ચેનલ પર 'ધરતીપુત્ર નંદિની' શો શરૂ થયો હતો. આ શોમાં અમનને પહેલી વાર લીડ રોલમાં રાખવામાં આવ્યો હતો. આની પહેલા તે 'ઉડારીયા' અને 'પુણ્યશ્લોક અહલ્યાબાઈ' ટીવી શોમાં નાના-નાના રોલમાં જોવા મળતો હતો. તે ઓડિશન માટે થતી સ્ક્રીન ટેસ્ટ માટે શૂટિંગ કરવા જઈ રહ્યો હતો. 

View this post on Instagram

A post shared by Dipika (@dipikachikhliatopiwala)

મોડેલિંગથી કરી હતી કરિયરની શરૂઆત 

અમને અભ્યાસ પછી મોડલિંગથી પોતાના કરિયરની શરૂઆત કરી અને પછી ટીવી સીરિયલમાં કામ કરવા લાગ્યા. તેમણે ટીવી સીરિયલ ધરતીપુત્ર નંદિનીના લીડ અભિનેતાનો રોલ ભજવ્યો હતો. આ ઉપરાંત તેણે શો પુણ્ય્શ્લોક અહિલ્યાબાઈમાં યશવંત રાવ ફાંસેનુ પાત્ર ભજવ્યુ હતુ.  આ શો વર્ષ 2021થી 2023 સુધી ટેલીકાસ્ટ થયો. તેઓ રવિ દુબે અને સરગુન મેહતાના શો ઉડારિયાનો પણ ભાગ રહી ચુક્યા હતા.  

View this post on Instagram

A post shared by Aman Jaiswal (@aman__jazz)

બલિયામાં થશે અંતિમ સંસ્કાર 

પુત્રના મોતના સમાચાર સાંભળતા જ અમનના માતા-પિતા બેહોશ થઈ ગયા. બપોરે 3 વાગે ફ્લાઈટથી અમનની ડેડ બોડીને વારાણસી લાવવામાં આવશે. ત્યારબાદ તેમનો અંતિમ સંસ્કાર બલિયાના તુરતિ પાર ઘાટ પર થશે.