IND vs PAK Hockey Match - ભારત અને પાકિસ્તાન વચ્ચે રાજકીય સંબંધો ખાસ સારા નથી. બીજી તરફ, જ્યારે આ બંને ટીમો રમતના મેદાનમાં ઉતરે છે, ત્યારે સ્પર્ધા હાઈ વોલ્ટેજ બની જાય છે. એટલા માટે જ્યાં પણ ભારત અને પાકિસ્તાન વચ્ચે જ્યારે મેચ રમાય છે, ત્યારે તેને મહામુકાબલાનું નામ આપવામાં આવે છે. તો પછી તે મેદાન કોઈપણ રમતનું કેમ ન હોય. આ વર્ષે એશિયા કપ અને ODI વર્લ્ડ કપમાં જ્યાં એક બાજુ ભારત અને પાકિસ્તાનની ક્રિકેટ ટીમો ટકરાવવાની છે. તો બીજી બાજુ હોકીના મેદાન પર બુધવારે 9 ઓગસ્ટે એશિયન ચેમ્પિયન્સ ટ્રોફીમાં આ બંને ટીમો વચ્ચે જોરદાર જંગ ખેલાશે.
ટીમ ઈન્ડિયાની સેમીફાઈનલની ટિકિટ પાક્કી
ટીમ ઈન્ડિયા આ મેચ પહેલા જ સેમિફાઈનલમાં સ્થાન બનાવી ચૂકી છે. સાથે જ પાકિસ્તાને અંતિમ-4માં જવા માટે કોઈપણ સંજોગોમાં આ મેચ જીતવી પડશે. અન્યથા તેણે ચીન સામે જાપાનની હાર માટે પ્રાર્થના કરવી પડશે. ભારતીય ટીમે આ ટુર્નામેન્ટની પ્રથમ ચાર મેચમાંથી ત્રણ મેચ જીતીને અંતિમ 4માં જગ્યા બનાવી લીધી છે. આ સાથે જ ટીમ ઈન્ડિયાની એક મેચ જાપાન સામે ડ્રો થઈ હતી. ટીમ ઈન્ડિયા 6 ટીમની આ ટૂર્નામેન્ટના પોઈન્ટ ટેબલમાં 10 પોઈન્ટ સાથે ટોપ પર છે. બીજી તરફ પાકિસ્તાનની ટીમ એક જીત, એક હાર અને બે ડ્રો સાથે 4 મેચમાંથી 5 પોઈન્ટ સાથે ચોથા સ્થાને છે.
ભારત અને પાકિસ્તાન વચ્ચે સેમિફાઇનલ કેવી રીતે થઈ શકે?
ભારત અને પાકિસ્તાન વચ્ચે લીગ તબક્કાની છેલ્લી મેચ 9 ઓગસ્ટ 2023ના રોજ ચેન્નાઈના મેયર રાધાકૃષ્ણન સ્ટેડિયમમાં રમાશે. આ મેચ પહેલા ટીમ ઈન્ડિયાનો આત્મવિશ્વાસ આકાશને આંબી રહ્યો છે. જ્યારે પાકિસ્તાન માટે આ કરો યા મરો યુદ્ધ છે. કારણ કે જાપાનની છેલ્લી મેચ નબળા ચીન સામે છે અને ત્યાં જીત સાથે તે મોટો તફાવત કરીને ચોથા સ્થાને જઈ શકે છે. આવી સ્થિતિમાં 11 ઓગસ્ટે સેમીફાઈનલમાં ભારત-પાકિસ્તાનની ટક્કરનું સમીકરણ જોઈએ તો પાકિસ્તાને કોઈ પણ સંજોગોમાં ભારતને હરાવવું પડશે, નહીં તો જાપાનની હાર માટે પ્રાર્થના કરવી પડશે. પોઈન્ટ ટેબલમાં જાપાનનો સ્કોર અત્યાર સુધી માત્ર 2 છે અને તેણે બે મેચ હારી છે અને બે મેચ ડ્રોથી સંતોષ માનવો પડ્યો છે.
આ શાનદાર મેચને લઈને પાકિસ્તાનના કોચ મોહમ્મદ સકલૈને સ્પષ્ટ નિવેદન આપ્યું હતું. તેમણે કહ્યું કે હરમનપ્રીત સિંહ અને અન્ય સેન્ટર ફોરવર્ડ વિશ્વના શ્રેષ્ઠ ખેલાડીઓમાં સામેલ છે. અમે તેમની નબળાઈઓથી પણ વાકેફ છીએ પરંતુ અમારે તેમની સામે અમારું સર્વશ્રેષ્ઠ પ્રદર્શન કરવું પડશે. અમને એક દિવસનો આરામ મળશે અને અમે મેચ પહેલા તેના પર ધ્યાન કેન્દ્રિત કરી શકીશું. તેણે મલેશિયા સામે જે રીતે પ્રદર્શન કર્યું તે દરેક ટીમ માટે ચેતવણી સમાન છે. અમારી ટીમ ભલે યુવા હોય પરંતુ તે દબાણને હેન્ડલ કરવામાં સક્ષમ છે. નોંધપાત્ર રીતે, ભારતે મજબૂત મલેશિયાની ટીમને 5-0થી હરાવ્યું હતું.