આજે દરેક વ્યકિતના મુખ પર એક જ પ્રશ્ન છે કે, આખરે સાનિયા મિર્જા અને શોએબ મલિક વચ્ચે પ્રેમના અંકુર ક્યારે ફૂંટ્યાં. આ મધુરતાને આગળ વધારતા સાનિયાએ પાકિસ્તાની વીઝા પ્રાપ્ત કરી લીધા છે.
સાનિયા અને તેની માતા નસીમા મિર્જાએ મંગળવારે પાકિસ્તાન ઉચ્ચાયોગમાં તમામ ઔપચારિકતા પૂર્ણ કરી જ્યારે શોએબ મલિકના પરિવારના છ સભ્યોએ પણ ભારતીય વીઝા માટે આવેદન કર્યું છે.
શોએબ મલિક પણ ટૂક સમયમાં આવેદન કરશે. બન્ને વચ્ચે પ્રથમ મુલાકાત ઓસ્ટ્રેલિયામાં થઈ. આ દરમિયાન સાનિયાએ પોતાના નાનપણના મિત્ર સોહરાબ મિર્જા સાથે સગાઈ તોડવાની જાહેરાત કરી.
માનવામાં આવી રહ્યું છે કે, તેનું કારણ પણ શોએબ જ હતાં. સાનિયા સાથે દિલ્હી પહોંચેલી તેની માતા નસીમાએ કહ્યું કે, અમને વીઝા મળી ગયા છે અને અમે ખુશ છીએ.