Webdunia - Bharat's app for daily news and videos

Install App

વડોદરામાં બન્યો વિચિત્ર કિસ્સોઃ ભરણપોષણ નહીં ચૂકવતાં વોરંટ નિકળ્યું ને વાજતે-ગાજતે પોલીસ સ્ટેશન પહોંચ્યો પતિ

વડોદરા
Webdunia
મંગળવાર, 16 ઑક્ટોબર 2018 (14:58 IST)
વડોદરામાં બનેલા એક વિચિત્ર કિસ્સામાં પત્નીને ભરણપોષણ ન ચૂકવી શકનારા પતિ સામે જ્યારે કોર્ટે અરેસ્ટ વોરન્ટ કાઢ્યું, ત્યારે આ પતિ વાજતે-ગાજતે સામેથી જ પોલીસ સ્ટેશન પહોંચ્યો હતો. પતિનું કહેવું છે કે, તે જેલ જવા તૈયાર છે, પરંતુ પત્નીને ભરણપોષણ આપવા નહીં. સોમવારે સવારે વડોદરાના બાપોદ પોલીસ સ્ટેશને જ્યારે એક વ્યક્તિ ગળામાં ફુલોના હાર પહેરી વાજતે-ગાજતે આવ્યો ત્યારે પોલીસકર્મીઓ પણ ઘડીભર આશ્ચર્યમાં મૂકાઈ ગયા. હેમંત રાજપૂત નામના આ વ્યક્તિ સામે અરેસ્ટ વોરંટ નીકળ્યું હતું. પત્ની સાથે છૂટાછેડા થઈ ગયા બાદ હેમંતે તેને 27 મહિનાથી કોર્ટે નક્કી કર્યા અનુસાર મહિનાનું 3,500 રુપિયા ભરણપોષણ નહોતું આપ્યું.રવિવારે પોલીસ હેમંતના ઘરે જઈ વોરન્ટની બજવણી કરી આવી હતી. જોકે, તે વખતે તે ઘરે ન હોવાથી પોલીસે તેને સોમવારે હાજર થઈ જવાનું કહ્યું હતું. સોમવાર હેમંત પોલીસ સ્ટેશન હાજર તો થયા, પરંતુ અલગ અંદાજમાં. તેને પોલીસ સ્ટેશન મૂકવા માટે તેના માતા-પિતા તેમજ દોસ્તો પણ આવ્યા હતા. દોસ્તોએ તો હેમંતને ખભે બેસાડી દીધો હતો. ત્યારબાદ તેને કોર્ટમાં લઈ જવાયો હતો, જ્યાં તેને 270 દિવસની સાદી કેદની સજા ફટકારાઈ હતી. કોર્ટે હેમંતને તેની પૂર્વ પત્ની સુનિતાને દર મહિને સાડા ત્રણ હજારનું ભરણપોષણ ચૂકવવા આદેશ કર્યો હતો. જોકે, હેમંતે 27 મહિનાથી કોઈ પૈસા ન આપતા સુનિતાએ કોર્ટમાં અરજી કરી હતી. કોર્ટે તેને 95,500 રુપિયા ચૂકવવા આદેશ કર્યો હતો, પરંતુ હેમંતે પૈસા આપવાને બદલે જેલ જવાનું પસંદ કર્યું હતું. હેમંતનો દાવો છે કે, તેની પત્ની તેના કરતા વધારે કમાય છે.હેમંતના જણાવ્યા અનુસાર, સુનિતા સાસુ-સસરા સાથે રહેવા તૈયાર નહોતી, જ્યારે તે મા-બાપને છોડી શકે તેમ નહોતો. જેના કારણે બંને વચ્ચે ઝઘડા થવા લાગ્યાં હતાં, અને આખરે બંનેનાં છૂટાછેડા થયા હતા. કોર્ટે તેમને છૂટાછેડા આપ્યા હતા, પરંતુ હેમંતને મહિને સાડા ત્રણ હજાર ચૂકવવા પણ આદેશ કર્યો હતો. 

સંબંધિત સમાચાર

વધુ જુઓ..

જરૂર વાંચો

તજ અને વરિયાળીનું પાણી આરોગ્ય માટે છે લાભકારી, ખાલી પેટ પીશો તો વજન અને શુગર રહેશે કંટ્રોલમાં

કુટીનો દારો નો ચીલા

Jade Plant- જેડના પ્લાંટમાં આ એક વસ્તુ નાખી દેવાથી છોડ

કાગડા અને કોયલ

મીઠું નાખતા જ ઝેર બની જાય છે આ 5 વસ્તુઓ, ભૂલથી પણ ન ખાશો નહીંતર સહન કરવું પડશે નુકસાન

વધુ જુઓ..

નવીનતમ

CID માં ACP પ્રદ્યુમનની થશે મોત ? બીજી સીજનમાં જોવા મળશે મોટું ટ્વીસ્ટ, જાણો શું છે હકીકત

હંસિકા મોટવાણીએ હાઈકોર્ટનો દરવાજો ખખડાવ્યો, ભાભીના આરોપો ખોટા ગણાવ્યા

Bahuchar mataji mandir- અષ્ટમીના દિવસે લોકો સુરતના બહુચર માતાના મંદિરે દર્શન માટે જાય છે, તેને સંતાન પ્રાપ્તિ માટે શુભ માનવામાં આવે છે.

શશિ કપૂર - ધર્મેન્દ્ર લાલચી છે.. મનોજ કુમારનો જ્યારે ફુટ્યો ગુસ્સો, બંને એક્ટરને માર્યો હતો ટોણો

RIP Manoj Kumar: આ ફિલ્મને જોતા જ મનોજ કુમારે બદલી નાખ્યુ હતુ પોતાનુ નામ, આ હતુ અસલી નામ

આગળનો લેખ
Show comments