Sidhpur News - સિદ્ધપુરમાં છેલ્લા ચાર દિવસથી પાણી ન આવતા પાલિકાએ ખોદકામ કર્યું તો મળી યુવતીની લાશ

સિદ્ધપુરના ઉપલી શેરી વિસ્તારમાં પાણીની પાઇપલાઇનમાંથી યુવતીની લાશ મળી આવતા ચકચાર મચી જવા પામી છે. શહેરના ઉપલી શેરી વિસ્તારમાં છેલ્લા ચાર દિવસથી પાણી નહોતું આવતું જેથી નગરપાલિકાની ટીમ દ્વારા પાણીની પાઇપલાઇનમાં ખોદકામ કરીને તપાસ કરવામાં આવી હતી. જેમાં પાઇપ લાઇનમાંથી કોઈ અજાણી યુવતીના મૃતદેહના કેટલાક અવશેષો મળી આવ્યા હતા, જેથી વિસ્તારમાં અરેરાટી વ્યાપી ગઈ છે.યુવતીનો મૃતદેહના કોહવાઇ ગયેલી હાલતમાં અવશેષો મળતા પાલિકાની ટીમે તુરંત પોલીસને જાણ કરતાં પોલીસ તાત્કાલિક ઘટના સ્થળે દોડી આવી હતી. પોલીસે હાલ તો મૃતદેહને પી.એમ અર્થે ખસેડી આ લાશ કોની છે અને પાણીની પાઇપ લાઇનમાં કઇ રીતે આવી એ અંગે પોલીસે તપાસ હાથ ધરી છે.