અમદાવાદમાં ફરીવાર હચમચાવી નાંખતો કિસ્સો ચર્ચાએ ચડ્યો છે. પ્રાપ્ત માહિતી પ્રમાણે શહેરના સેટેલાઈટ વિસ્તારમાં રહેતા નરાધમ પિતાએ પોતાની સાવકી પુત્રી પર બળાત્કાર ગુજાર્યો હતો અને આ દુષ્કર્મ દરમિયાન તેને ગર્ભવતી પણ બનાવી હતી. આ સમગ્ર ઘટના સેટેલાઇટ પોલીસ સ્ટેશને પહોંચતા ચર્ચામાં આવી છે. સાવકી દીકરીએ પોતાની માતા અને સાવકા પિતા વિરૂદ્ધ પોલીસ ફરિયાદ નોંધાવી છે. પીડિત યુવતી પોતાના માતા-પિતા સાથે સાણંદ રહેતી હતી. જોકે યુવતીના માતા-પિતા વચ્ચે તાલમેલ ન આવતા તેઓ અલગ થઇ ગયા હતા દરમિયાન યુવતીની માતાએ બીજે લગ્ન કર્યા હતાં અને યુવતી તેમની સાથે સેટેલાઇટ રહેવા આવી હતી. દરમિયાન સાવકા પિતાએ જ પોતાની સાવકી દીકરી પર બળાત્કાર ગુજાર્યો હતો અને તેને ગર્ભવતી બનાવી હતી.
આ બનાવમાં જ્યારે પીડિતાએ એક મૃત બાળકને જન્મ આપ્યો ત્યારે આ સમગ્ર ઘટના સામે હતી. આ ઘટનામાં પીડિતાની માતાની ભૂમિકામાં પણ શંકાસ્પદ નજર આવી રહી છે. પોલીસે હાલમાં સાવકા પિતાની ધરપકડ કરી લીધી છે.