ઉત્તરાખંડના રૂડકીમાં આજે સવાર સવારે એક મોટી દુર્ઘટના થઈ ગઈ. રૂડકીના મેંગલોરના લહબોલી ગામમાં ઈંટની ભઠ્ઠીની દિવાલ પડવાથી અનેક મજુરો કાટમાળમાં દબાય ગયા. દુર્ઘટનામાં પાચના મોત થયા. મળતી માહિતી મુજબ લહબોલી ગામમાં ઈંટના ભટ્ટીમાં કામ કરી રહેલ મજુરો દિવાલ પડવાથી દબાય ગયા. કાટમાળમાંથી મજુરોને કાઢવાનુ કામ ચાલુ છે.
મળતી માહિતી મુજબ જે સમયે આ દુર્ઘટના થઈ એ સમયે હાજર મજુર ઈંટ પકવવા માટે ભટ્ટીમાં ઈંટ ભરવાનુ કામ કરી રહ્યા હતા. એ સમયે ભટ્ટીની દિવાલ કકડભૂસ કરીને પડી ગઈ અને ત્યા કામ કરી રહેલા મજુર દબાય ગયા. હાલ જેસીબીથી કાળમાળ હટાવવામા આવી રહ્યો છે અને દબાયેલા લોકોને બહાર કાઢવામાં આવી રહ્યા છે. દુર્ઘટનાની સૂચના મળતા જ ઘટના સ્થળ પર સ્થાનીક સરકાર અને પોલીસ દળ પહોચી ગયુ. ચિકિત્સા વિભાગની ટીમ પણ મોકા પર હાજર છે.