હૈદરાબાદના રસ્તા પર આગનો ગોળો બની ગઈ બે કરોડની Lamborghini Gallardo, વાયરલ થયો વીડિયો - Car On Fire In Hyderabad

Lamborghini Gallardo

 તેલંગાણાના હૈદરાબાદમાં એક ચોંકાવનારી ઘટના સામે આવી છે, જ્યાં બે કરોડની કિંમતની એક સ્પોર્ટ્સ કારને આગને હવાલે કરવામાં આવી. મળતી માહિતી મુજબ, આ ઘટના બે દિવસ પહેલા હૈદરાબાદના પહરશરીફ પોલીસ સ્ટેશન વિસ્તારમાં બની હતી. નરસિંહી બિઝનેસમેન નીરજ પાસે 2 કરોડ રૂપિયાનીLamborghini Gallardo Sypder સ્પોર્ટ્સ કાર હતી. નીરજ પોતાની Gallardo Sypder સિપડરને વેચવાનો પ્રયાસ કરી રહ્યો હતો.

<

4TV UPDATES ** Hyderabad: Posh Car Set on Fire Over Dispute Nation,

A Lamborghini car was set on fire over a financial dispute. pic.twitter.com/tnXl8iEnVd

— Shakeel Yasar Ullah (@yasarullah) April 15, 2024 >

કહેવામાં આવી રહ્યું છે કે પોલીસે સેકન્ડ હેન્ડ કાર વેચનાર નીરજની ફરિયાદના આધારે કેસ નોંધ્યો છે. પોલીસે ગુનેગારની ઓળખ અહેમદ તરીકે કરી છે. આગના હવાલે કરવામાં આવેલી Lamborghini Gallardo પીડિતના નામે નોંધાયેલ છે, જેણે મૂળ માલિક પાસેથી વાહન ખરીદ્યું હતું.

મળતી માહિતી મુજબ, પીડિત અને આરોપી બંને તેમના વિવાદ પર ચર્ચા કરવા માટે ગયા શનિવારે મળ્યા હતા. આ પછી બંને વચ્ચે બોલાચાલી થઈ હતી. દલીલ એટલી ઉગ્ર બની હતી કે આરોપી અહેમદે તેના સહયોગીઓ સાથે મળીને નીરજની લેમ્બોર્ગિની ગેલાર્ડોને આગ લગાવી દીધી હતી. જો કે ઘટનાની જાણ થતા ફાયર બ્રિગેડના જવાનોએ આગ પર કાબૂ મેળવી લીધો હતો, પરંતુ ત્યાં સુધીમાં કાર સંપૂર્ણ બળીને ખાખ થઈ ગઈ હતી..

Lamborghini Gallardoનું ભારતમાં વેચાણ બંધઃ તમારી જાણકારી માટે તમને જણાવી દઈએ કે Lamborghini Gallardoને ભારતીય માર્કેટમાં પહેલીવાર વર્ષ 2005માં લોન્ચ કરવામાં આવી હતી. લગભગ 10 વર્ષ સુધી માર્કેટમાં રહ્યા બાદ વર્ષ 2014માં તેનું વેચાણ બંધ કરી દેવામાં આવ્યું હતું. આ કાર કુલ પાંચ વેરિઅન્ટમાં વેચાઈ રહી હતી. 

Lamborghini Gallardo ની કીમત  આ કાર ભારતમાં વેચાણ માટે ઉપલબ્ધ હતી તે દરમિયાન, લેમ્બોર્ગિની ગેલાર્ડો રૂ. 2.11 કરોડની પ્રારંભિક કિંમતે વેચાઈ રહી હતી, જ્યારે તેનું ટોચનું વિશિષ્ટ પ્રકાર રૂ. 3.17 કરોડમાં વેચાઈ રહ્યું હતું. આ કાર LP 560-4 Coupe, Spyder, LP 560-4, India Ltd Edition LP 550-2 અને LP 570-4 EdizioneTecnica વેરિઅન્ટમાં ઉપલબ્ધ હતી.