Webdunia - Bharat's app for daily news and videos

Install App

2012ની વિધાનસભાની ચૂંટણીમાં ૭૬% ઉમેદવારોની ડિપોઝિટ ડૂલ થઈ હતી

Webdunia
મંગળવાર, 14 નવેમ્બર 2017 (11:17 IST)
વર્ષ ૨૦૧૨માં યોજાયેલી ગુજરાત વિધાનસભાની ચૂંટણીમાં કુલ ૧૬૬૬ ઉમેદવારોમાંથી ૧૨૮૮ ઉમેદવારોને ડિપોઝિટ ગુમાવવી પડી હતી. આમ, ચૂંટાયેલા ૧૮૨ ધારાસભ્યો સાથે કુલ ૩૯૮ ઉમેદવારો જ એવા હતા જેમણે ડિપોઝિટ ગુમાવી નહોતી. અલબત્ત, કેટલાક અપવાદોને બાદ કરતા ડિપોઝિટ ગુમાવનારા મોટાભાગના ઉમેદવારો અપક્ષ અથવા નાના પક્ષના હતા. ગુજરાત વિધાનસભાની ગત ચૂંટણીમાં રાષ્ટ્રીય પક્ષમાંથી બહુજન સમાજ પાર્ટીના તમામ ૧૬૩, સીપીઆઇના ૩, સીપીએમના ૯ ઉમેદવારોએ ડિપોઝિટ ગુમાવી હતી.

રાજ્ય કક્ષાની પાર્ટીમાંથી જેડી (યુ)ના ૬૫માંથી ૬૪, લોક જનશક્તિ પાર્ટીએ તમામ ૪૪, આરએલડીએ તમામ ૩ અને એસપીએ તમામ ૬૭ બેઠક પરથી ડિપોઝિટ ગુમાવી હતી. આમ, ગત ચૂંટણીમાં ડિપોઝિટ ગુમાવનારા ઉમેદવારનું પ્રમાણ ૭૬% હતું. વધુ રસપ્રદ વાત એ છે કે વિધાનસભાની ગત ચૂંટણીમાં કુલ ૪૦ નાના-મોટા પક્ષોએ ઝુકાવ્યું હતું. આ પૈકી ૩૧ પક્ષ એવા છે જેમની બિનસંગઠિત પાર્ટી તરીકે નોંધણી થઇ હતી. આ પક્ષોના કુલ ૨૭૪ ઉમેદવારોમાંથી ૨૬૬ને ડિપોઝિટ ગુમાવવી પડી હતી. બીજી તરફ વર્ષ ૨૦૦૭ની વિધાનસભાની ચૂંટણીમાં કુલ ૧૨૬૮ ઉમેદવારોમાંથી ૮૯૨ ઉમેદવારોએ ડિપોઝિટ ગુમાવી હતી. જોકે, ગુજરાતમાં એક જ વિધાનસભાની ચૂંટણીમાં સૌથી વધુ ઉમેદવારોએ ડિપોઝિટ ગુમાવી હોય તેનો રેકોર્ડ ૧૯૯૫માં થયો હતો, એ સમયે ૨૫૪૫માંથી ૨૧૨૭ને ડિપોઝિટ ગુમાવવી પડી હતી. આ સિવાય ૧૯૯૦ની વિધાનસભાની ચૂંટણીમાં ૧૮૮૯માંથી ૧૪૬૧ ઉમેદવારોએ ડિપોઝિટ ગુમાવી હતી. આમ, સૌથી વધુ ઉમેદવારોએ ડિપોઝિટ ગુમાવી હોય તેના મામલે ૨૦૧૨ની વિધાનસભા ચૂંટણી ત્રીજા સ્થાને છે. ૨૦૧૨ની વિધાનસભાની ચૂંટણીમાં કુલ ૩૯ બેઠક એવી હતી જેમાં ૧૦ કે તેથી વધુ ઉમેદવારોએ પોતાની ડિપોઝિટ ગુમાવી હતી. દક્ષિણ ગુજરાતની લિંબાયત બેઠકમાં કુલ ૨૦માંથી સૌથી વધુ ૧૮ ઉમેદવારોને ડિપોઝિટ ગુમાવવાનો વારો આવ્યો હતો. આ સિવાય જેતપુર ખાતેથી ૧૯માંથી ૧૭, હિંમતનગરમાંથી ૧૬, ધોરાજી-ખંભાળિયામાંથી ૧૭માંથી ૧૫ ઉમેદવારોએ ડિપોઝિટ ગુમાવી હતી. ગત ચૂંટણીમાં બે તત્કાલીન ધારાસભ્યો કનુભાઇ કલસરિયાએ ગારિયાધર જ્યારે ચંદુ વઘાસિયાએ ગોંડલમાંથી ડિપોઝિટ ગુમાવવાનો વારો આવ્યો હતો. ભૂતપૂર્વ ગૃહ મંત્રી હરેન પંડયાના પત્ની જાગૃતિ પંડયા એલિસબ્રિજ બેઠક પરથી જીપીપી માટે ચૂંટણી લડયા હતા અને તેમને પણ ડિપોઝિટ ગુમાવવી પડી હતી.

સંબંધિત સમાચાર

આ સમસ્યાઓમાં હળદરનું સેવન ન કરવું જોઈએ

શરીરની જીદ્દી ચરબી ઘટાડવા માટે બકાસન કરો

World Hypertension Day 2024-હાયપરટેન્શન એ હાર્ટ એટેક અને મૃત્યુનું મુખ્ય કારણ છે, જાણો ઇતિહાસ, મહત્વ

ઉનાડા માટે બેસ્ટ છે દૂધથી બનેલા આ 4 ફેસપેક

Heart ને લગતી બિમારીઓથી બચવું છે તો રોજ સવારે ઉઠીને કરો આ કામ

Vicky Kaushal Birthday: 'ગેંગ્સ ઓફ વાસેપુર'ના શૂટિંગ દરમિયાન વિક્કીને જવું પડ્યું હતું જેલ, જાણો શું હતો મામલો

પિંક ડ્રેસમાં ઉર્વશી રોતેલાએ કાન્સની રેડ કાર્પેટ પર હુસ્નનો જાદુ વિખેર્યો

રાખી સાવંતની હાલત ખરાબ, દિલની બીમારીનો સામનો કરી રહેલી અભિનેત્રી હોસ્પિટલમાં દાખલ

કદી ચંદ્રમુખી તો કદી મોહિની બની માઘુરી દિક્ષિતે ઈંડસ્ટ્રી પર કર્યુ રાજ, જુઓ તેમના ફેમસ પાત્રની એક ઝલક

Loksabha polls -અલ્લુ અર્જુન YRS ધારાસભ્યને સમર્થન આપવા આવ્યો હતો, આચારસંહિતાના ભંગ બદલ બંને વિરુદ્ધ કેસ

આગળનો લેખ
Show comments