મહારાષ્ટ્રના ગોંદિયામાં મોટો અકસ્માત, રાજ્ય પરિવહનની બસ પલટી જતાં 9 મુસાફરોના મોત, 25 ઘાયલ

મહારાષ્ટ્રના ગોંદિયામાં આજે એક મોટો અકસ્માત થયો છે. અહીં રાજ્ય પરિવહનની બસ પલટી જતાં 9 મુસાફરોના મોત થયા છે જ્યારે 25 લોકો ઘાયલ થયા છે. મળતી માહિતી મુજબ, આ અકસ્માત ગોંદિયા કોહમારા સ્ટેટ હાઈવે પર ખજરી ગામ પાસે થયો હતો. કહેવાય છે કે બાઇકને બચાવવાના પ્રયાસમાં પેસેન્જર બસનો ભયાનક અકસ્માત થયો હતો. આ અકસ્માતમાં મહારાષ્ટ્ર રોડ ટ્રાન્સપોર્ટ કોર્પોરેશન (MSRTC)ની શિવશાહી બસ પલટી જતાં અનેક મુસાફરો કચડાઈ ગયા હતા.

બસની સામે અચાનક આવી બાઇક 

આ અકસ્માત આજે બપોરે 12.00 થી 12.30 વાગ્યાની વચ્ચે થયો હતો. ભંડારાથી સાકોલી લાખાણી થઈને ગોંદિયા તરફ જતી શિવશાહી બસ (નંબર MH 09/EM 1273)ની સામે અચાનક એક બાઇક દેખાયું. બાઇક સવારને બચાવવાનો પ્રયાસ કરતી વખતે ડ્રાઇવરે પલટી મારતાં બસ પલટી ખાઇ ગઇ હતી.

બસમાં 35થી વધુ મુસાફરો સવાર હતા

અકસ્માત સમયે બસમાં 35થી વધુ મુસાફરો સવાર હતા. જેમાં 9 મુસાફરોના મોત થયા હોવાનું કહેવાય છે. મૃત્યુઆંક પણ વધી શકે છે. બસમાં સવાર અન્ય મુસાફરોને ગંભીર ઇજા પહોંચી હતી. પ્રત્યક્ષદર્શીઓના જણાવ્યા અનુસાર બસ ડ્રાઈવર ઘટનાસ્થળેથી ફરાર થઈ ગયો હતો. પસાર થતા લોકો તરફથી માહિતી મળતાં, એમ્બ્યુલન્સ વિભાગ અને પોલીસ વિભાગ ઘટનાસ્થળે પહોંચી, ઘાયલ મુસાફરોને બહાર કાઢ્યા અને ગોંદિયા જિલ્લા સરકારી KTS હોસ્પિટલમાં સારવાર માટે દાખલ કર્યા. દુર્ઘટનાગ્રસ્ત અને પલટી ગયેલી શિવશાહી બસને ઉપાડવા માટે ક્રેનની મદદ લેવામાં આવી રહી છે. પોલીસ આ કેસની તપાસ કરી રહી છે.